Владимир Путин байыаннай сулууспаны ааһыы бэрээдэгин чуолкайдыыр Ыйааҕы бигэргэттэ

РФ Бэрэсидьиэнэ Владимир Путин «Байыаннай сулууспаны барыы бэрээдэгин туһунан» балаһыанньаҕа уларытыылары киллэрэр туһунан Ыйаахха илии баттаата.

Докумуон быраап иһитиннэриитин официальнай интэриниэт-порталыгар таҕыста. Бу туһунан «Парламентская газета» суруйар.

Ыйаахха суруллубутунан, омук дойдуларыттан сылдьар байыаннай сулууспалаахтар мобилизация кэмигэр соруктары толорор уонна РФ Сэбилэниилээх Күүстэринэн ыытыллар эпэрээссийэлэргэ кыттар быраабы ыллылар.

Саппааска сылдьааччылар эмиэ РФ Сэбилэниилээх Күүстэрэ ыытар эпэрээссийэлэригэр кыттарга хантараак түһэрсэр бырааптаннылар.

Ону таһынан, балаһыанньаҕа урут хантараагынан байыаннай сулууспаны ааспатах гражданнар бастакы хантараагы түһэрсэр бырааптарыгар сыһыаннаах уларытыылар киирдилэр. Билигин хантараагынан сулууспалыырга кэллиэстэри уонна тиэхиньикумнары бүтэрэр булгуччута суох буолла.

Онуоха эбии, байыаннай сулууспалаахтары сулууспаттан ууратыы бэрээдэгэр сыһыаннаах пуун чуолкайданна. Билигин хантараагынан сулууспалыыр байыаннай уурайарыгар хас да төрүөт баар буоллаҕына, бэйэтэ талбыт төрүөтүнэн ууратыллыан сөп. Ыйаах бэчээттэммит күнүттэн сокуоннай күүһүгэр киирдэ.