Дойдубут аҕа баһылыга Владимир Путин бэс ыйын 21 күнүгэр байыаннай үөрэх кыһаларын выпускниктарын кытары көрүстэ.
Көрсүһүүгэ Оборуона, Ыксаллаах быһыы-майгы, Ис дьыала министиэристибэлэрин, анал федеральнай сулууспалар, Росгвардия, Силиэстийэлиир кэмитиэт үөрэхтэрин кыһаларын выпускниктара кыттыыны ыллылар.
Владимир Путин Арассыыйа байыаннай үөрэхтэрин кыһалара дойдуларыгар бэриниилээх байыаннайдары иитэн, үөрэтэн таһааралларынан уратылаахтарын, ол үгэһи оччоттон бэттэх тута сылдьалларын бэлиэтээн эттэ.
— Биһиги үөрэхтэрбит кыһалара эр санаалаах, дьулуурдаах, дойдуларыгар ураты бэриниилээх байыаннайдары үөрэтэн, иитэн таһаараллар. Бу үтүө үгэс көлүөнэттэн көлүөнэҕэ бэриллэн салҕанан бара турар, — диэн иһитиннэрэр кини.
Владимир Путин норуоттар икки ардыларынааҕы түмсүүлэри кытары (ол иһигэр Европа, НАТО түмсүүлэрин) эйэлээх дипломатическэй сыһыаннаһыыны кэпсэтэргэ бэлэмин иһитиннэрдэ.
— Тас дьыалалар министиэристибэлэрин мунньаҕар Евразияҕа куттал суох буолуутун, ону хааччыйыы туһунан бэйэм этиилэрбин иһитиннэрэн турабын. Бу туһунан биһиги норуоттар икки ардыларынааҕы түмсүүлэри кытары салгыы кэпсэтэргэ бэлэммит. Ону сэргэ билигин, аан дойду үрдүнэн быһыы-майгы сытыырхайбыт кэмигэр, биһиги бэйэбит Сэбилэниилээх күүспүтүн салгыы сайыннаран иһиэхпитин наада. Үрдүкү технология да, наука да, үп-харчы да, исписэлиистэри бэлэмнээһин да өттүнэн, — диэн этэр.
“Азия оҕолоро” VIII Норуоттар икки ардыларынааҕы оонньуулар чэрчилэринэн СӨ Туризм сайдыытыгар ааҕыныстыбата Дьокуускай куорат устун…
От ыйын 2-с уонна 3-с күннэригэр "Олимпиец" ытар комплекска стендовай ытыыга икки күрэхтэһии түмүктэннэ. Биирдиилээн…
Ахсынньы 30 күнүгэр диэри Бүтүн Арассыыйатааҕы «Дальний Восток – Земля приключений» куонкуруска сайаапкалары ылыы салҕанар.…
Ленскэй оройуонугар сыл саҕаланыаҕыттан 400-тэн тахса ыраах сытар нэһилиэнньэлээх пуун олохтоохторо улуустарын быраастарыгар бэрэбиэркэлэннилэр. Ленскэйдээҕи…
Бэс ыйын 24 күнүттэн от ыйын 24 күнүгэр диэри «электроннай бүддьүөт» тиһигэр агробырамыысыланнай комплекс тутаах…
Бүгүн, от ыйын 3 күнүгэр, Дьокуускайга «Кыайыы 50 сыла» успуорт уораҕайыгар «Азия оҕолоро» норуоттар икки…