Владимир Путин байыаннайдар чэпчэтиилээх массыына ылалларын өйөөтө

Владимир Путин байыаннайдар чэпчэтиилээх массыына ылалларын өйөөтө

17.11.2022, 09:00
Бөлөххө киир:

РФ бэрэсидьиэнэ Владимир Путин бэҕэһээ, сэтинньи 16 күнүгэр, бырабыыталыстыба чилиэннэрин кытары мунньах ыытта. Мунньахха бырамыысыланнас, атыы-тутуу миниистирэ Денис Мантуров байыаннайдар массыына ылалларыгар чэпчэтиини көрүөххэ наадатын туһунан иһитиннэрдэ.

Миниистир Денис Мантуров бэлиэтээбитинэн, бу анал бырагыраама байыаннайдарга, ол иһигэр мобилизацияҕа барбыт саллааттарга, биэнсийэҕэ тахсыбыт байыаннайдарга, ону сэргэ кинилэр дьиэ кэргэттэригэр барыларыгар үлэлиэҕэ.

Владимир Путин миниистир этиилэрин өйөөтө. “Массыына сыаната үрдээн иһэр, онон маннык чэпчэтиилээх бырагырааманы киллэрии сөптөөх. Мин өйүүбүн”, — диэн иһитиннэрдэ кини.

Ол эрээри, бэрэсидьиэн этиитинэн, бу бырагыраама киирдэҕинэ массыына сыанатыгар хонтуруол күүһүрүөхтээх.

Билиҥҥи кэмҥэ бэйэбит оҥорон таһаарар тимир көлөбүтүн дойдубут хас биирдии олохтооҕо ылар кыахтаах буолуохтаах. Биллэн турар, массыына, тиэхиньикэ оҥоһуутугар уустуктар бааллар, ол иһигэр саппаас чаастары аҕалыы, онтон да атыттар. Ол эрээри сыана бас баттах барыа суохтаах, — диэн бэлиэтиир Владимир Владимирович.

Санатан эттэххэ, массыына ылыытыгар билигин чэпчэтиилээх бырагыраама сааһын ситэ илик оҕолордоох ыалга, быраастарга, учууталларга баар. Ону таһынан киһи бастакы массыынатын ыларыгар эмиэ чэпчэтии көрүллэр. Сударыыстыба субсидия быһыытынан массыына сыанатыттан 20 бырыһыанын (Уһук Илин эрэгийиэннэргэ 25 %) уйунар. Бу бырагырааманан Арассыыйаҕа оҥоһуллар “УАЗ”, “ГАЗ”, “Lada” массыыналары, ону таһынан “Haval” хампаанньаттан тимир көлөнү ылыахха сөп.

Лента
Салгыы
29 января
  • -46°C
  • Ощущается: -46°Влажность: 63% Скорость ветра: 0 м/с

Сообщить об опечатке

Текст, который будет отправлен нашим редакторам: