Хаартыска: Николай Борисов, СИА.
Байыаннай дьайыы буолан ааспыт, буола турар миэстэлэрин олохтоохторун чөлүгэр түһэрии боппуруоһа долгутара биллэр. Маныаха сыһыаннаах ыйытыыга хоруйдууругар бэрэсидьиэн күн бүгүн 21 тыһ. эбийиэк чөлүгэр түһэриллибитин иһитиннэрдэ.
— Бу сирдэри чөлүгэр түһэриигэ уонна сайыннарыыга аналлаах улахан бырагыраама үлэлиир, 2030 сылга диэри суоттанар. Үлэ номнуо ыытылла турар уонна кэккэ хайысхаларынан салгыы барыа даҕаны. Бу – суол-иис, олорор дьиэ, олох-дьаһах хомунаалынай хаһаайыстыбатын эбийиэктэрэ, социальнай-култуурунай тутуулар. Үс сыл иһигэр бу эрэгийиэннэр бары суолларын Арассыыйа нормативнай ирдэбилигэр эппиэттиир турукка сөп түбэһиннэрэри былаанныыбыт…
Билигин номнуо 21 тыһ. эбийиэги чөлүгэр түһэрдибит (11 тыһ. федеральнай бүддьүөт суотугар, 10 тыһ. эбийиэк – шефтэһэр эрэгийиэннэр суоттарыгар. Бу эрэгийиэннэр салайааччыларыгар уонна олохтоохторугар махтанабын. Бу – сүүнэ үлэ, уопсай судаарыстыбаннай сорук. Бу туох оҥоһуллубута. Онтон чугастааҕы биэс-алта сылга өссө 20 тыһ. эбийиэги чөлүгэр түһэриэхтээхпит, тутуохтаахпыт. Бу барыта оҥоһуллуоҕа” – диэн эттэ.
Манна даҕатан аастахха, Саха сирэ тохсунньуттан ДНӨ Докучаевскай куоратын кытта шефтэһэр. Ил Дархан Айсен Николаев анал этиитигэр бу туһунан эмиэ ахтан ааспыта. Бүгүҥҥү күҥҥэ 65 эбийиэккэ үлэ бүтэн эрэр, Саха сирин миэдиктэрэ үлэлииллэр.
Владимир Путин Арассыыйатааҕы спецназ университетын үлэтин пресс-кэмпириэнсийэтин кэмигэр үрдүктүк сыаналаата. "Арассыыйа оборуонатыгар Арассыыйатааҕы спецназ университета…
Арассыыйа Бэрэсидьиэнэ Владимир Путин быһа эпиир кэмигэр билиҥҥитэ Арктика эрэгийиэннэригэр куораттары биирдиилээн сайыннарыы бырагыраамата үлэлиирин,…
СӨ Аҕа баһылыгын иһинэн үлэлиир инновационнай менеджмент Үрдүкү оскуолатын ректора Василий Миронов дойду Аҕа баһылыгын…
Бэрэсидьиэн Владимир Путин пресс-кэмпириэнсийэ быһа эпииригэр демография боппуруоһун тумнубата. Арассыыйаҕа икки төгүл төрөөһүн улаханнык түһэ…
Константин Роббек, аҕыйах ахсааннаах төрүт олохтоох хотугу норуоттар бырааптарыгар боломуочунай: -- Ил Дархан туһаайан этиитин…
Дойду бэрэсидьиэнэ Владимир Путин быһа эпиирин кэмигэр Сургуттан биэс оҕолоох ийэ, биир оҕото инбэлиитин, былырыын…