Владимир Путин бу нэдиэлэҕэ Монголияҕа командировкаҕа сылдьыаҕа

Арассыыйа бэрэсидьиэнэ Владимир Путин балаҕан ыйын 3 күнүгэр Монголия бэрэсидьиэнэ Ухнагийн Хурэлсух ыҥырыытынан, Улан-Баторга командировкаҕа барыаҕа. Бу туһунан бэрэсидьиэн пресс-сулууспата иһитиннэрэр.

Владимир Путин нэдиэлэ саҥата Монголия бэрэсидьиэнин кытары Сэбиэскэй Сойуус уонна Монголия кыттыгас аармыйалара Халкин Голга Кыайыыны уһансыбыттара 85 сыллаах үбүлүөйдээх тэрээһинигэр кыттыаҕа.

Арассыыйа бэрэсидьиэнин пресс-сулууспата бэлиэтииринэн, икки дойду салайааччылара атах тэпсэн олорон кэпсэтиэхтэрэ уонна туһааннаах докумуоннарга илии баттаһыахтара. Владимир Путин Ухнагийн Хурэлсуху кытары кэпсэтиитин таһынан Монголия парламенын бэрэссэдээтэлин, бырабыыталыстыбатын салайааччытын кытары көрсөр былааннаах.