Салгыы
Владимир Путин бүгүн Турцияҕа атомнай станция аһыллыытыгар кыттыаҕа

Владимир Путин бүгүн Турцияҕа атомнай станция аһыллыытыгар кыттыаҕа

27.04.2023, 10:30
Хаартыска: РФ бэрэсидьиэнин пресс-сулууспата
Бөлөххө киир:

Бүгүн, муус устар 27 күнүгэр, РФ бэрэсидьиэнэ Владимир Путин уонна Турция Өрөспүүбүлүкэтин салайааччыта Реджеп Тайип Эрдоган быһа эпиир нөҥүө “Аккую” атомнай электростанцияҕа бастакы ядернай оттук кэлиитин бэлиэтиир дьаһалга кыттыахтара. Бу туһунан РФ бэрэсидьиэнин пресс-сулууспата иһитиннэрэр.

2010 сыллаахха ыам ыйын 12 күнүгэр Арассыыйа уонна Турция бырабыыталыстыбалара Мерсиҥҥэ “Аккую” диэн атомнай электростанция тутарга дуогабар баттаспыттара. Дуогабар чэрчитинэн, “Аккую-Нуклеар” диэн акционернай уопсастыба тэриллибитэ. Бу хампаанньа акцияларын сүүс бырыһыан Арассыыйа “Росатом” хампаанньата бас билэр.

Тутууну уонна эбийиэги үлэлэтиини барытын “Росатом” хампаанньа салайан ыытар. Станция түөрт блоктан турар. Бастакы блогу тутуу 2018 сылтан саҕаламмыта. Оруобуна биэс сыллааҕыта муус устарга Анкараҕа Реджеп Тайип Эрдоган уонна Владимир Путин станция тутуутугар саҕалааһыны эмиэ быһа эпиир нөҥүө биллэрбиттэрэ.

Станция түөрт блога барыта 4800 МВт кыамталаах буолуохтаах. Турция бэрэсидьиэнэ Реджеп Тайип Эрдоган эрдэ иһитиннэрбитинэн, бу станция тутуута дойду историятыгар биир улахан бэлиэ түгэнинэн буолар. Станция олоххо киирдэҕинэ Турция атомнаах дойдулар ахсааннарыгар киирсэр толору бырааптанар. Бу станция дойду уон бырыһыанын уотунан хааччыйыахтаах.

Бүгүн бу атомнай электростанцияҕа Арассыыйаттан ядернай бастакы оттук кэлиэҕэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
1 декабря
  • -25°C
  • Ощущается: -32°Влажность: 63% Скорость ветра: 6 м/с

Сообщить об опечатке

Текст, который будет отправлен нашим редакторам: