РФ бэрэсидьиэнин пресс-сулууспата
Дойдубут аҕа баһылыга Владимир Путин олунньу 18 күнүгэр бырабыыталыстыба чилиэннэрин кытары доруобуйа харыстабылын боппуруостарыгар мунньах ыытта.
Мунньах бэбиэскэтинэн 2024 сылга нэһилиэнньэ доруобуйатын туругун көрүү (диспансеризация) боппуруоһун ырыттылар. Сүрүн дакылааты вице-премьер Татьяна Голикова оҥордо.
Санатан эттэххэ, быйылгыттан доруобуйа харыстабылыгар “Уһун үйэлэнии уонна чөл туруктаах буолуу” диэн саҥа национальнай бырайыак үлэлээтэ.
Татьяна Алексеевна бэлиэтииринэн, былырыын дойду үрдүнэн нэһилиэнньэ 75 бырыһыана диспансеризацияны ааспыт, киин сиртэн ыраах, суола-ииһэ суох сирдэргэ диспансеризацияны ыытарга көһө сылдьар мобильнай биригээдэлэр тэриллэн үлэлээбиттэр.
— 2024 сылга 82 мөлүйүөнтэн тахса улахан киһи, 27 мөлүйүөнтэн тахса оҕо доруобуйаларын туругун көрдөрүннүлэр. Бу нэһилиэнньэ ахсааныттан 75 бырыһыанын ылар. Киин сиртэн ыраах сирдэргэ анал биригээдэлэр баран үлэлээтилэр, — диэн бэлиэтиир вице-премьер.
Диспансеризация кэмигэр искэҥ ыарыы баарын-суоҕун бэрэбиэркэлээһиҥҥэ ордук болҕомто ууруллубут.
— Былырыыҥҥы сыллааҕы диспансеризация түмүгүнэн, барыта 630 тыһыынчаттан тахса киһиэхэ искэҥ ыарыы баара биллибитэ. Мантан 60 бырыһыана – ыарыы бастакы түһүмэхтэригэр. Онон нэһилиэнньэҕэ диспансеризацияны ыытыы сүҥкэн улахан суолталааҕа бу мантан да көстөр, — диэн иһитиннэрэр Татьяна Алексеевна.
Вице-премьер бэлиэтииринэн, былырыыҥҥыттан ыла анал байыаннай операция кыттыылаахтарын, бэтэрээннэрин доруобуйаларын туруктарын көрүү күүһүрбүт, 2025 сылга диспансеризацияны ыытыыга судаарыстыбаттан үп көрүллүүтэ эбиллибит.
Уопсайа 500-тэн тахса араас саастаах дьон «Вместе Победим!» диэн сүүрүүгэ кыттыыны ыллылар. Бу аахсыйа онкологическай…
Дьылҕа хаан ыйааҕа билиэҕэ диэн санаа сахаларга хайдах, хаһан кэлбитин билбэтим гынан баран, хас биирдии…
2025 сылга “Үлэ киһитэ‑2025” үрдүк ааты ылбыт дьон ортотугар Бүлүү улууһуттан ийэлээх кыыс бааллара биир…
Саха ынаҕын иитиэн баҕалаах ыал ыйытыытыгар Эбээн Бытантайтан хоруйдаатылар. — Саха ынаҕын иитиэхпитин баҕарабыт. Онон бу…
Мин аҕам туһунан бэрт уһун кэм устата ахтыбакка, суруйбакка сылдьан баран, дьэ бу Улуу Кыайыы…
Нуучча улуу бэйиэтэ, драматура уонна прозаига Александр Пушкин төрөөбүт күнүн көрсө бэйиэт айар үлэтигэр сүгүрүйээччилэр…