РФ бэрэсидьиэнэ Владимир Путин бэҕэһээ, тохсунньу 17 күнүгэр, экэниэмикэ боппуруостарыгар мунньах ыытта. Кини бэлиэтииринэн, ааспыт сыл бастакы, иккис кыбаарталын кытары тэҥнээтэххэ, кэлиҥҥи ыйдарга экэниэмикэбит көрдөрүүлэрэ өрө тахсыбыттар.
Владимир Путин иһитиннэрбитинэн, былырыын тохсунньуттан сэтинньигэ диэри дойду ис валовай бородууктата 2,1 бырыһыанынан түспүт. Ол эрээри ити эскпертэр эппит көрдөрүүлэриттэн лаппа намыһах.
— Былырыын экспертэр, бэйэбит даҕаны дьоммут, тас дойдулар даҕаны исписэлиистэрэ, Арассыыйа валовай бородууктата сыл түмүгүнэн 15-20 бырыһыанынан түһүөҕэ диэн сыана быспыттара. Ол эрээри билигин биһиги көрөрбүтүнэн, ааспыт сылга валовай бородуукта 2,5 бырыһыан эрэ түһэрэ сабаҕаланар. Ити сыл түмүгүнэн. Оттон кыбаарталларынан ыллахха, үһүс, төрдүс кыбаарталга экэниэмикэбит өрө тахсыбыта көстөр. Бу көрдөрүүлэрбитин биһиги тутан хаалыахпытын наада, — диэн этэр Владимир Владимирович.
Бэрэсидьиэн тутууга, тыа хаһаайыстыбатыгар, бырамыысыланнаска, о.д.а. эйгэлэргэ уруккутааҕар өрө тахсыы бэлиэтэммитин иһитиннэрэн туран, саҥа үлэ миэстэтэ тахсыбытын, дьон дьарыктаах буолуутугар улахан болҕомто ууруллубутун бэлиэтээтэ. Манна даҕатан кини сорох эрэгийиэннэргэ кыра хамнас кыһалҕатын өссө да быһаара иликтэрин эттэ.
— Бу ордук массыына, тиэхиньикэ бырамыысыланнаһыгар, о.д.а. эйгэлэргэ сыһыаннаах. Манна бырабыыталыстыба эрэгийиэннэри кытары ыкса үлэлэһэрэ ирдэниллэр, — диэн этэр кини.
Бэрэсидьиэн ньиэп эйгэтэ ааспыт сылы үчүгэй көрдөрүүлээх түмүктээбитин бэлиэтиир.
— 2022 сыл түмүгүнэн ньиэби хостооһун 535 мөлүйүөн туоннаҕа тэҥнэстэ. Ити уруккутааҕар икки бырыһыанынан үрдүк. Онон, төһө да арҕааҥҥы дойдулар араас хааччаҕы киллэрэ турбуттарын иһин, бу эйгэҕэ биһиги үчүгэй көрдөрүүлээх иһэбит. Оттон гааһы хостооһуну эттэххэ, манна көрдөрүүбүт 11,8 бырыһыанынан түстэ. Ол эрээри кэлиҥҥи сылларга аан дойду үрдүнэн гааска сыана биллэ тахсыбытынан, икки сыл иһигэр гаастан элбэх дохуоту ааҕыстылар уонна бүддьүөккэ нолуок быһыытынан эмиэ үгүс харчыны киллэрдилэр, — диэн бэлиэтиир кини.
Санатан эттэххэ, ааспыт сылга федеральнай бүддьүөт дохуота уон бырыһыан үрдээн, 27,8 трлн солкуобайга тэҥнэспитэ.
Бу ураты чуораанчык хатыҥҥа үүнэн турар. Чуораанчык Бүлүү улууһун Үгүлээтигэр Тириэтий Күүлэккэ Муоһааны уонна Былганда…
Саха сирин олохтоохторо анал байыаннай дьайыы байыастарыгар анаан, доруоп сааларын туттарыахтарын сөп. "Росгвардия" управлениета иһитиннэрбитинэн,…
Хаһаайкаларга бүгүн тэттик сүбэлэри бэлэмнээтибит. Тускар туһан. Куукунаҕа дизенфекцияны, ол эбэтэр иһити-хомуоһу, оһоҕу, остуолу, о.д.а.…
Дьокуускайга национальнай многоборьеҕа уолаттар уонна кыргыттар ортолоругар күрэхтэһии түмүктэннэ. Манчаары оонньууларыгар 32 путевка бас билээччилэрэ…
Госдуумаҕа Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин баһылыга Ярослав Нилов (ЛДПР) дьиэ хаһаайыстыбатынан дьарыктанар…
Дьокуускай аэропорда Тиксии бөһүөлэгиттэн Ан-26 сөмөлүөтүнэн көтөн кэлбит 18 көлүүр табаны көрүстэ. «Сыаналаах уонна тыыннаах…