РФ бэрэсидьиэнин пресс-сулууспата
Ааспыт сылга ньиэп, гаас атыытыттан федеральнай бүддьүөккэ 1,3 триллион солкуобай киирбит. Бүддьүөт туһунан дойдубут аҕа баһылыга Владимир Путин экэниэмикэ боппуруостарыгар ыыппыт мунньаҕар иһитиннэрдэ.
Бэрэсидьиэн этэринэн, ааспыт сыллааҕы бүддьүөт дефицитэ ис валовай бородууктаҕа тэҥнэспитинэн 1,7 бырыһыанынан үрдээбит.
— Уопсай ылан эттэххэ, экэниэмикэбитигэр 2024 сыл куһаҕана суохтук ааста. Экэниэмикэбит сүрүн көрдөрүүлэрэ да ону кэрэһилииллэр. Холобур, бүддьүөппүт дефицитэ 1,7 бырыһыан ис валовай бородууктаҕа тэҥнэспитэ. Бу, билиҥҥи кэмҥэ, куһаҕана суох көрдөрүү, — диэн иһитиннэрдэ Владимир Владимирович.
Ону тэҥэ Владимир Путин мунньахха ааспыт сылга бүддьүөккэ ньиэп, гаас атыытыттан ураты киирэр дохуот 26 бырыһыан үрдээбитин, федеральнай бүддьүөт тас дьайыылартан тутулуга суоҕун бэлиэтээтэ.
— Ити аата биһиги бүддьүөппүт дохуоттаах чааһа уйуктаах, тас дьайыылартан, сырьеттан тутулуга суох, — диэн иһитиннэрэр кини.
Санатан эттэххэ, былырыыни бүддьүөккэ ньиэп, гаас эйгэтиттэн эбии 1,3 триллион солкуобай киирбит. “Бу көрдөрүү Национальнай туруктаах буолуу пуондатын харыстааһыҥҥа олус улахан оруоллаах”, — диэн иһитиннэрэр бэрэсидьиэн.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…