Владимир Путин элбэх оҕолоох ыаллары кытары көрүстэ

Владимир Путин элбэх оҕолоох ыаллары кытары көрүстэ

31.05.2024, 09:30
РФ бэрэсидьиэнин пресс-сулууспата
Бөлөххө киир:

Дойдубут аҕа баһылыга Владимир Путин ыам ыйын 30 күнүгэр “Төрөппүт албан аата”, “Дьоруой ийэ” уордьанынан наҕараадаламмыт дьиэ кэргэни, элбэх оҕолоох ийэлэри кытары көрүстэ. Көрсүһүү видео-сибээһинэн барда.

Көрсүһүүгэ Москва, Тюмень, Томскай, Донецкай, Ленинград уобаластарыттан, Краснодар, Камчатка кыраайдарыттан уонна Чувашия, Чечня Өрөспүүбүлүкэлэриттэн кытыннылар.

Владимир Путин Арассыыйаҕа урут-уруккуттан элбэх оҕолонуу үгэһэ баарын этэн туран, бу кэлиҥҥи сылларга элбэх оҕолоох ыаллар ахсааннара 26 бырыһыанынан эбиллибитин бэлиэтээтэ.

Билигин үстэн элбэх оҕолоох ыаллар ахсааннара элбии турар. Кэлиҥҥи сылларга 26 бырыһыанынан эбилиннэ. Билигин Арассыыйа үрдүнэн икки мөлүйүөнтэн тахса элбэх оҕолоох ыал баар. Бу үгэс салҕанан барыа диэн эрэнэбин, — диэн иһитиннэрдэ көрсүһүү кэмигэр.

Элбэх оҕолоох ыаллар оҕолорго төлөнөр биир кэлим төлөбүрү дохуоттара кыратык да чорбойон таҕыстаҕына кыайан ылбат түгэннэрэ элбээбитин этэллэр. Ону таһынан көрсүһүүгэ Арассыыйа састаабыгар саҥа киирбит эрэгийиэннэргэ көмө туһунан кэпсэттилэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 июля
  • 28°C
  • Ощущается: 28°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: