Хаартыска: www.sakha.gov.ru
Дойду бэрэсидьиэнэ Владимир Путин Өлүөнэ муостатын тутуутун бырайыагын үбүлээһиҥҥэ федеральнай хааһынаттан үп көрүллүүтүн болдьоҕун кылгатар туһунан боппуруоһу көрөллөрүгэр сорудахтаата. Ити туһунан Кириэмил саайтыгар тахсыбыт судаарыстыба баһылыгын сорудахтарын испииһэгэр этиллэр.
“РФ Бырабыыталыстыбата Саха Өрөспүүбүлүкэтин ситэриилээх уорганын кытта: Өлүөнэ өрүһү туоруур муоста тутуутун бырайыагын үбүлээһиҥҥэ федеральнай хааһынаттан үп көрүллүүтүн болдьоҕун кылгатыы туһунан боппуруоһу көрөргө” диэн докумуоҥҥа суруллар. Судаарыстыба баһылыга дакылааты ахсынньы 15 күнүгэр диэри күүтэр.
Өлүөнэ муостатын тутуу “Бүлүү”, “Өлүөнэ”, “Халыма” федеральнай трассаҕа таһаҕаһы уонна дьону таһыы тэтимин түргэтэтэн, үс федеральнай уонна эрэгийиэннээҕи биэс массыына суолун ситимниир сүрүн инфраструктурнай бырайыагынан буолуоҕа. Бу тыһыынчанан килэмиэтиргэ Новосибирскайтан, Красноярскайтан уонна Сибиир атын куораттарыттан таһаҕас таһыытын маршрутун кыччатыаҕа. Сылы эргиччи сылдьар тырааныспар сырыыта өрөспүүбүлүкэҕэ таһаҕас тиэрдиллиитин болдьоҕун уонна ороскуотун аччатыаҕа.
Муоста сууккаҕа 5300 массыына ааһарыгар суоттанан икки балаһалаах буолуоҕа. Бу Арассыыйа Бэрэсидьиэнэ Владимир Путин сорудаҕынан киэҥ далааһыннаах инженернэй оҥоһугу кылгас болдьох иһигэр – 2028 сыл түмүктэниэр диэри тутуллуохтаах.
Санатан эттэххэ, Өлүөнэ муостатын тутуутун сүрүн үлэтин алтынньы 17 күнүгэр саҕалаабыттара. Өлүөнэ өрүс хаҥас кытылыгар Эргэ Табаҕа сэлиэнньэтинэн тутуу тирэҕин бастакы сыбаайатын түһэрбиттэрэ.
Ил Дархан уонна Бырабыыталыстыба пресс-сулууспата.
Бу күннэргэ Өлүөнэ Эбэҕэ үлэ саамай суолталаах уонна көдьүүстээх көрүҥэ –мууһу эрбээһин уонна хараардыы ыытылла…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Өрөспүүбүлүкэ арҕаа өттүгэр, күнүс соҕуруу…
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…