РФ Бэрэсидьиэнин пресс-сулууспата
Бэҕэһээ дойду Бэрэсидьиэнэ Владимир Путин саҥа талыллыбыт губернатордары кытары көрүстэ. Бэрэсидьиэн эрэгийиэннэр сайдыыларын сүрүн хайысхаларын итиэннэ экэниэмикэни уонна инфраструктураны бөҕөргөтүү ордук улахан суолталааҕын бэлиэтээтэ.
Бу хайысхаларга эрэгийиэннэр бары араас балаһыанньалаахтар. Билигин ураты болҕомто Уһук Илин эрэгийиэннэр көдьүүстээхтик сайдалларыгар ууруллар, тоҕо диэтэххэ, Илин диэки хайыһыыга онтон элбэх тутулуктаах. Оттон Уһук Илин сайдыытын бырамыысыланнас көрдөрүүтүн үүнүүтүгэр бастакы миэстэни ылар Саха сирэ сүрүннээн иһэр. Саха сирин бырамыысыланнаһа ол иһигэр анал байыаннай дьайыы интэриэһигэр үлэлиир: хайдах баҕарар уустук суолга айанныыр анал тиэхиньикэни оҥорон таһаараллар. Үрдүк технологиялар эмиэ сайдаллар – Уһук Илин IT-өҥө 90% Саха сирэ оҥорор.
Экэнэмиичэскэй үүнүү сүрүн усулуобуйатынан инфраструктура сайдыыта буолар. Саха сирэ кэлэр сылга тутуута саҕаланыахтаах Өлүөнэ муостатыгар көмөнү ылары ситистэ. Бу өрөспүүбүлүкэ экэниэмикэтигэр 200 млрд. солк. кэриҥэ инвестицияны тардыаҕа, бөдөҥ федеральнай суоллары уонна хотугу муора суолунан пуортарыгар сибээһи олохтуоҕа. Онон Айсен Николаев салалтатынан кэлэр биэс сылга Саха сирэ Уһук Илиҥҥэ сүрүн бырамыысыланнай эрэ буолбакка, сүдү суолталаах логистическай киининэн буолар кыахтаах.
Ыам ыйыгар оҕуруот үүнээйитигэр ый халандаарынан (лунный календарь) саамай табыгастаах күннэрин таһаарабыт. Быйыл ыам ыйыгар…
«Алдан» патриотическай драма - байыаннай дьайыы дьоруойдарын хорсун быһыыларын туһунан кэпсиир уус-уран киинэ дойдуга бастакы…
Ыам ыйын 9 күнүгэр Зярынка олохтоохторо икки сүүнэ улахан хотой миитиҥ кэмигэр элиэтии көтөллөрүн видеоҕа…
Чугастааҕы сууккаҕа, ыам ыйын 11 күнүгэр, Таатта, Чурапчы, Амма, Уус Маайа, Кэбээйи оройуоннарыгар сөкүүндэҕэ 15-20…
Бүгүн, ыам ыйын 10 күнүгэр, Дьокуускай куоракка Аҕа дойду Улуу сэриитигэр Кыайыыга аналлаах түргэн саахымакка…
Бэс ыйын 12 күнэ – Арассыыйа күнэ. Манан сибээстээн дойду олохтоохторун бэс ыйыгар түөрт күннээх…