Владимир Путин госпитальга байыаннай дьайыы кыттыылаахтарын кытта көрүстэ

Владимир Путин П.В. Мандрык аатынан РФ Оборуонаҕа министиэристибэтин Киин байыаннай клиническэй госпиталыгар сырытта, манна бойобуой сорудаҕы толоро сылдьан бааһырбыт байыаннайдар эмтэнэллэр уонна реабилитацияны ааһаллар.

Бэрэсидьиэн оборуона миниистирэ Андрей Белоусовы уонна госпиталь начаалынньыга Павел Крайнюковы кытта эрэспиэскэ 127-с туһунан биригээдэтин байыастара сытар хирургическай отделениеларыгар сырыттылар.

Байыаннай дьайыы кыттыылаахтарын кытта көрсүһүүгэ Владимир Путин оҥорбут сүрүн этиилэрин РИА Новости иһитиннэрэр:

🔹Бэҕэһээ Арассыыйа «Посейдон» диэн ядернай энэргэтиичэскэй установкалаах уу аннынааҕы аппарааты боруобалаата. Бу улахан ситиһиибит буолар.

🔹”Посейдон” кыаҕа сотору бойобуой сулууспаҕа киириэхтээх «Сармат» аракыата кыаҕын таһыччы баһыйар. “Посейдон” түргэнинэн уонна дириҥҥэ сылдьарынан аан дойдуга тэҥнээҕэ суох, кинини тутан ылар кыаллыбат.

🔹Өстөөх Купянскайга уонна Красноармейскайга хам тутуллан, төгүрүтүллэн сытар.

🔹Арассыыйа сэриилэрэ өстөөх төгүрүтүллэ сытар сиригэр СМИ бэрэстэбиитэллэрэ, олор истэригэр Украина уонна тас дойдулар киэннэрэ, киирэллэрин утарбаттар.

🔹Арассыыйа өстөөх төгүрүтүллэ сытар сиригэр СМИ бэрэстэбиитэллэрэ баар кэмнэригэр Украина өттүттэн провокация оҥоһуллуон сөп диэн дьиксинэр.

🔹Арассыыйа өттө СМИ бэрэстэбиитэллэрэ баалларын тухары өстөөх төгүрүтүллэ сытар сиригэр  бойобуой дьайыылары тохтоторго бэлэм.

🔹”Буревестник” ядернай установката кыаҕынан атомнай подлодка ядернай реакторын кыаҕын кытта тэҥ эрээри, 1000 төгүл оччугуй. “Буревестникка” туттуллубут технологиялары ый бырагырааматыгар туһаныахтара.

Арассыыйа сэриилэрэ байыаннай дьайыы буола турар сиринэн барытынан иннилэрин диэки баран иһэллэр.