Владимир Путин губернатордар хамнастарын уларытта
03.04.2025, 09:00
Хаартыска: СИА
Бөлөххө киир:
2026 сыл тохсунньу 1 күнүттэн дойду эрэгийиэннэрин баһылыктарын хамнастара РФ Бырабыыталыстыбатын вице-премьерин хамнаһыгар тэҥнэһиэҕэ.
Бу күннэргэ Бэрэсидьиэн Владимир Путин туһааннаах Ыйаахха илии баттаата. Докумуоҥҥа суруллубутунан, вице-премьер уонна губернатордар хамнастарын кээмэйэ үс чаастан турар: ыйдааҕы төлөбүртэн, ый аайы ананар харчынан биһирэбил уонна кыбаартал ахсын биһирэбил төлөбүрэ. Ити сыалга төлөбүрдэри федеральнай бүддьүөккэ көрүллүбүт үбүн-харчытын суотугар төлүөхтэрэ. Саҥа Ыйаах 2026 сыл тохсунньу 1 күнүттэн күүһүгэр киириэҕэ.
Санаттахха, 2022 сыл ахсынньытыгар Владимир Путин анал байыаннай дьайыы кэмигэр үрдүкү салаайааччылары дохуоттарын туһунан декларациялары биэрииттэн босхолообута. Оттон ол кэннэ, 2023 сыл тохсунньутугар, дохуот туһунан декларациялары уопсай испииһэгинэн тус дааннайдара суох таһаарарга көҥүллүүр сокуон ылыныллыбыта.
+1
1
+1
2
+1
+1
+1
6
+1
+1
5
Сообщить об опечатке
Текст, который будет отправлен нашим редакторам: