Владимир Путин иноагеннарга 500 тыһ.солк. диэри саҥа ыстарааптары олохтоото

РФ Бэрэсидьиэнэ Владимир Путин Юстиция министиэристибэтин ирдэбиллэрин тутуспат иһин 500 тыһ.солк. диэри ыстарааптары киллэрэр саҥа сокуоҥҥа илии баттаата. Бу туһунан «РГ» суруйар.

Министиэристибэ сокуоннай ирдэбиллэрин толорбот иһин үрдэтиллибит административнай ыстарааптар киллэриллэллэр:

•  гражданнарга: 30-тан 50 тыһыынча солкуобайга диэри;
•  дуоһунастаах сирэйдэргэ: 100-тэн 300 тыһыынчаҕа диэри;
•  тэрилтэлэргэ: 300-тэн 500 тыһыынча солкуобайга диэри.

«Иноагеннарга олохтоммут быраабылалары толорбот, онно эбии РФ Юстициятын министиэристибэтин булуллубут кэһиилэри туоратар ирдэбиллэригэр аахайбат киһи соруйан биһиги гражданнарбыт бырааптарын кэһиилэрин таһаарар, — диэн Госдуумаҕа Куттала суох буолуу кэмитиэтин салайааччыта Василий Пискарев быһаарда. — Бүгүн үгүс иноагеннар туохтан да куттамматтарынан киэн тутталлар. Билигин үлэлиир сэрэтии эбэтэр ыстараап кээмэйэ быраабы кэһиилэри аҕыйаппат».