Хаартыска Владимир Путин уопсастыбаннай ыстаабыттан
Бүгүн Владимир Путин итэҕэллээх дьоно «Афганистан бэтэрээннэрин сойууһа» өрөспүүбүлүкэтээҕи тэрилтэтин бэрэссэдээтэлэ Валерий Лютай уонна Аҕа дойду буойуннарын дьиэ кэргэттэрин кэмитиэтин эрэгийиэннээҕи салаатын салайааччыта Марина Бахилина «Якутия» уонна «Полярные авиалинии» авиахампаанньалар үлэһиттэрин кытта көрүстүлэр.
Валерий Лютай «Афганистан бэтэрээннэрин сойууһун» үлэтин-хамнаһын туһунан кэпсээтэ уонна дойду сайдыы саҥа таһымыгар таҕыста, чуолаан, авиация салаатыгар диэн бэлиэтээн эттэ.
«Бүгүҥҥү күҥҥэ биһиги иннибитигэр 2030 сылга диэри 1000-ча сөмөлүөтү оҥорон таһаарар сорук турар. Кэлэр өттүгэр дойдубутугар аныгы авиалайнердар баар буолуохтара», — диэтэ Валерий Лютай.
Ол курдук, көрсүһүүгэ Арассыыйаҕа «аан дойдуга бастыҥ сөмөлүөт» — Ту-160 «Белый лебедь» оҥорон таһааралларын, онно наадалаах аныгы систиэмэ барыта баарын бэлиэтээтилэр. Владимир Путин «Белый лебедь» сөмөлүөт туһунан истэн эрэ билэр буолбатах, 2005 сыллаахха сөмөлүөт хабыынатыгар олорон байыаннай лүөтчүктэри кытары биэс чаастаах көтүүнү оҥорбута, ону ааһан штурвалга олорбута.
Оттон Марина Бахилина Аҕа дойду буойуннарын дьиэ кэргэттэрин кэмитиэтин эрэгийиэннээҕи салаатын үлэтин туһунан кэпсээтэ уонна авиация үлэһиттэригэр байыаннай дьайыыга гуманитарнай көмөнү ыытарга көмөлөрүн иһин махтанна.
Санатан эттэххэ, РФ Киин быыбардыыр хамыыһыйатыгар Владимир Путин итэҕэллээх дьонунан 544 киһи икки испииһэгинэн регистрацияламмыта. Онно култуура уонна искусство, успуорт, биисинэс, мэдиссиинэ эйгэтин ааттаах-суоллаах бэрэстэбиитэллэрэ киирбиттэрэ.
Бүгүн, муус устар 21 күнүгэр, Саха сирин сорох улуустарыгар +15 кыраадыс буолара күүтүллэр диэн УГМС…
Күн бэҕэһээҥҥэ диэри сүүрэ-көтө, кэпсэтэ-ипсэтэ, мэлдьи солото-бокуойа суох элэстэнэ сылдьыбыт үөлээннээҕим да буолбатар, бэккэ билэр,…
Хаҥалас пиэрмэрэ татаар суруналыыстарыгар күөрчэх ытыйтарда, сыр буһартарда Өҥ сирдээх Хаҥалас улууһун Хоточчутугар Татарстаантан кэлбит…
Өрөспүүбүлүкэ ойуур баһаарын утары охсуһар күүһүн-кыаҕын сыллата улаатыннаран, кэҥэтэн иһэр. Былырыын РФ Бэрэсидьиэнэ Владимир Путин…
Биһиги аҕабыт Иванов Спиридон Дмитрьевич 1917 сыллаахха Арҕаа Хаҥалас улууһугар Өктөм нэhилиэгэр дьадаҥы бааhынай кэргэҥҥэ…
Бүгүн, муус устар 20 күнүгэр, Дьокуускайга Арчы дьиэтигэр уочараттаах Кыайыы Оһуокайа өрө көтөҕүллүүлээхтик ыытылынна. Бу…