Владимир Путин Саха сиригэр итэҕэллээх дьоно Социальнай пуонда үлэһиттэрин кытта көрүстэ. Көрсүһүүгэ «Сахафильм» национальнай киинэ хампаанньатын салайааччы Алексей Егоров уонна Аҕа дойду буойуннарын дьиэ кэргэттэрин кэмитиэтин эрэгийиэннээҕи салаатын салайааччы Марина Бахилина кытыннылар.
Алексей Егоров киинэ эйгэтигэр өр сыллах үлэтин туһунан кэпсээтэ. Элбэх оҕолоох аҕа буоларын быһыытынан кини Владимир Путин социальнай бэлиитикэҕэ олохтуур дьаһалларын биһириирин бэлиэтээтэ. Ылыныллар миэрэлэр Саха сиригэр эрэ буолбакка, Арассыыйаҕа барытыгар демографическай хамсааһыны оҥороллорун эттэ.
Марина Бахилина дойду сайдыытын бэлиэтээтэ. Кини аныгы Арассыыйаны 90-с сыллардааҕы Сэбиэскэй Сойуус урусхалламмыт кэмин кытта тэҥнээтэ. Билигин балаһыанньа төрдүттэн уларыйбытын кэпсээтэ.
Көрсүһүүгэ өрөспүүбүлүкэ олоҕор эмиэ биллэр үтүө уларыйыылар барбыттарын туһунан кэпсэттилэр. Кыттаачылар дойдуга бу уустук кэмҥэ маннык уларыйыылар суолталаахтарын бэлиэтээтилэр.
Арассыыйа бэрэсидьиэнин быыбара 2024 сыл кулун тутар 15-17 күннэригэр буолуоҕа. Киин быыбардыыр хамыыһыйа түөрт хандьыдааты регистрациялаабыта. Бу — билиҥҥи бэрэсидьиэн Владимир Путин (бэйэ туруорунуута), Николай Харитонов (КПРФ), Леонид Слуцкай (ЛДПР) уонна Владислав Даванков («Новые люди»).
ИДьМ 4 №-дээх полициятын дьуһуурунай чааһыгар «Спортмастер» успуорт маҕаһыынын бэрэстэбиитэлэ 18 000 солк. кэриҥэ суумалаах…
Алдан оройуонун Улахан Ньымныыр бөһүөлэгэр суоппар самосвалынан саахалы таһаарбыт содулларын туоратыыны түмүктүүллэр. Хочуолунайы үлэҕэ киллэрии…
Ил Дархан Айсен Николаев ахсынньы 12 күнүгэр Москваҕа Н.Н.Бурденко аатынан Сүрүн байыаннай клиническэй госпиталга сырытта.…
Бүгүн бээтинсэ, ахсынньы 13 күнэ. Христианнар бу күнү туох да табыллыбат, дьоло суох күнүнэн ааҕаллар.…
Ааспыт сууккаҕа Саха сиригэр 8 буруйу оҥоруу бэлиэтэммит. Бу туһунан СӨ Борокуратууратын пресс-сулууспата суруйар. Покровскай…
Спортивнай күрэхтэһии түмүктүүр чааһа 2027 сыл от ыйын 7-11 күннэригэр Ньурбаҕа буолуоҕа. Ньурба улууһугар 2027…