Владимир Путин итэҕэллээх дьоно тырааныспар салаатын үлэһиттэрин кытта көрүстүлэр

Көрсүһүүгэ Владимир Путин Саха сиригэр итэҕэллээх дьоно кыттыыны ыллылар. Ол иһигэр  «Афганистан бэтэрээннэрин Арассыыйатааҕы сойууһа» өрөспүүбүлүкэтээҕи тэрилтэ бэрэссэдээтэлэ Валерий Лютай уонна Аҕа дойду буойуннарын дьиэ кэргэттэрин кэмитиэтин Саха сиринээҕи салаатын салайааччыта Марина Бахилина.

Валерий Лютай Афганистан бэтэрээннэрин Арассыыйатааҕы сойууһун үлэтин-хамнаһын туһунан кэпсээтэ уонна байыаннай дьайыы тастан сааныыларын утары биһиги дойдубут дьоно-сэргэтэ бары түмсүүлээх буолууларын көрдөрдө диэн бэлиэтээн эттэ.

«Тас күүстэр Арассыыйаҕа төһөнөн куһаҕаны оҥоро сатыыллар даҕаны, соччонон биһиги уопсастыбабыт сомоҕолоһуута күүһүрэр. Биһиги биир улахан дьиэ кэргэн курдук сомоҕолоһобут», — диэтэ Лютай.
Марина Бахилина Аҕа дойду буойуннарын дьиэ кэргэттэрин кэмитиэтин үлэтин,  байыаннай дьайыы кыттыылаахтарыгар уонна кинилэр дьиэ кэргэттэригэр араас хайысхалаах көмө оҥоһулларын туһунан кэпсээтэ.

Көрсүһүү кыттыылаахтара кэлиҥҥи сылларга өрөспүүбүлүкэҕэ инфраструктура күүскэ сайдан иһэрин бэлиэтээтилэр – саҥа суоллар, муосталар, аэропуортар тутуллаллар. Маннык тутуулар эрэгийиэн уонна федеральнай былаас көдьүүстээхтик бииргэ үлэлээһиннэрин, тустаах министиэристибэлэр уонна биэдэмистибэлэр көдьүүстээх үлэлэрин түмүгэр, ону сэргэ Арассыыйа Бэрэсидьиэнэ Владимир Путин Уһук Илини сайыннарыыга уонна тутаах национальнай бырайыактары олоххо киллэриигэ тус болҕомтотун уурарынан ситиһиллэллэр