Хаартыска: СИА
«Муус устар» бэстибээл ыччаты тардыы уонна түмэр киинэ буолла: Саха сирин бары улуустарыттан икки тыһыынчаттан тахса ыччат киин куоракка муһуннулар.
Бастакы бэстибээл кыттыылаахтарыгар дойду Бэрэсидьиэнэ Владимир Путин бырайыагы саҥа, чаҕылхай уонна ураты тэрээһининэн ааттаата. «Бэстибээл ураты көрүҥнээх. Манна ыытыллар маастар-кылаастар, дьүүллэһиилэр уонна куонкурустар уолаттарга уонна кыргыттарга бэйэлэрин ситиһиилэрин, идиэйэлэрин уонна айар үлэлэрин көрдөрөллөрүгэр, успуорт, урбаан, о.д.а. эйгэҕэ арыллалларыгар кыах биэрэр», – диэн Владимир Путин бэлиэтээбитэ.
Көрсүһүүгэ Владимир Путин итэҕэллээхтэрин Саха сирин ыччата истиҥник көрүстүлэр – Афганистан бэтэрээннэрин Сойууһун бэрэссэдээтэлэ Валерий Лютайы уонна Аҕа дойду буойуннарын дьиэ кэргэттэрин Кэмитиэтин Саха сиринээҕи салаатын салайааччыта Марина Бахилинаны. Кинилэр норуоту кытта төттөрү сибээһи олохтооһун наадатын, Арассыыйа ситиһиилэрин уонна Украинаҕа буола турар байыаннай дьайыы кэскиллээҕин туһунан кэпсээтилэр.
Марина Бахилина бэстибээл бары хайысхаларыгар кэрийэ сылдьан сырытта. Кини уопсастыбаннай ас-үөл технологтарын маастар-кылааһыгар кыттыыны ылла уонна байыаннай дьайыы кыттыылаахтарын оҕолорун кытта сэһэргэстэ. Итиэннэ ыччаты кытта алтыһыы кэмигэр кини дойду уопсастыбаннай уонна бэлитиичэскэй олоҕор көхтөөхтүк кытталларыгар ыҥырда: «Кэлин, хас да сыл ааспытын кэннэ, бүтүн аан дойду кэскилигэр дьоһун кылааты киллэрсэргэ кыттыбатаххытыттан инникитин кыбыстыбат буоларгыт туһугар».
Бастатан туран, Валерий Лютай ыччакка сүбэ-ама биэрдэ уонна маннык бэстибээл ыччат араас хайысхаҕа талааннарын арыйарга көмөлөһөрүн бэлиэтээтэ.
«Манна ыччат дойду уонна дьон туһугар айымньылаах үлэни ыыталларыттан үөрэбин. Кинилэр патриотизм диэн чуҥкук буолбатаҕын бэйэлэрин дьыалаларынан көрдөрөллөр. Маннык ыччат — кэнэҕэски Кыайыыларга дойду күүстээх сэбилэниитэ», — диэн түмүктээтэ Валерий Лютай.
Санатан эттэххэ, урут РФ Киин быыбардыыр хамыыһыйата 544 быһаарыы ылыммытыттан иккитигэр Владимир Путин итэҕэллээхтэрин испииһэгин бигэргэппитэ. Онно култуура, ускуустуба, успуорт, урбаан, мэдиссиинэ эйгэтин бэрэстэбиитэллэрэ киирбиттэрэ. Олор истэригэр актердар Сергей Безруков уонна Владимир Машков, режиссер Никита Михалков, дирижер Юрий Башмет, тириэньэр Ирина Винер о.д.а. бааллар. Итэҕэллээх дьон ыстаатыһын дойду бары эрэгийиэннэрин ытыктабыллаах бэрэстэбиитэллэрэ ылбыттара.
Арассыыйа Бэрэсидьиэнин быыбара быйыл кулун тутар 15-17 күннэригэр ыытыллыаҕа. Киин быыбардыыр хамыыһыйа түөрт хандьыдааты регистрациялаата. Кинилэр ортолоругар билигин дойду Бэрэсидьиэнин дуоһунаһыгар үлэлиир Владимир Путин бэйэ туруорунуу хандьыдаатынан баар. Ону кытта Николай Харитонов (РФКП), Леонид Слуцкай (ЛДПР) уонна Владислав Даванков («Новые люди»).
Эп-эдэркээн уолаттар милиция үлэтин өрө тутан, дьон нус-хас олоҕун туһугар туруулаһа сылдьан сидьиҥ дьон илиититтэн…
Дьокуускайга “Чайковский-фест” ньиргийэ турдаҕына, “Иоланта” операҕа сылдьыбытым. Бу операҕа хараҕа суох кыыс туһунан кэпсэнэр. Аҕата-ийэтэ…
Быйылгы дьылга бастакы "Айкуо" сэрийээли көрөн бүтэрдибит. Дьон-сэргэ саҥа сэрийээли олус сөбүлээбит, оҕолор оонньуулларын астыммыт.…
"ҮРГЭЛ" галереяҕа алтынньыга Сардаана Владимировна Яковлева уонна киһи кыыһа Анжелика Викторовна хартыыналарын дьон көрүүтүгэр туруордулар.…
Кэнники кэмҥэ элбэх киһи хаан баттааһына үрдүүрүнэн эрэйдэнэр буолла. Төбө ыалдьыбат буоллаҕына, үгүстэр наадыйбаттар, билбэттэр…
Үөһээ Бүлүү улууһугар булчут сүттэ диэн иһитиннэрии киирбитин кэннэ, сэтинньи 4 күнүгэр көрдүүр үлэ саҕаламмыта. …