Владимир Путин кэлэр быыбарга кыттарын туһунан иһитиннэрдэ

Владимир Путин бүгүн Арассыыйа дьоруойдарыгар “Кыһыл көмүс сулус” мэтээллэри туттарда. Үөрүүлээх дьаһал кэмигэр Владимир Владимирович бэрэсидьиэн кэлэр быыбарыгар бэйэтин кандидатуратын туруорунарын туһунан иһитиннэрдэ.

Владимир Путин тэрээһин кэмигэр анал байыаннай операция кыттыылаахтарын кытары кэпсэттэ. Кэпсэтии кэмигэр Арассыыйа дьоруойа Артем Жога бэрэсидьиэн быыбарын туһунан ыйытта. Манна Владимир Владимирович: “Бу туһунан мин үгүһү толкуйдаан көрбүтүм. Билигин, эһиги сөпкө бэлиэтиигит, быһаарыныыны ылынар кэм. Онон Арассыыйа бэрэсидьиэнин кэлэр быыбарыгар кыттар санааны ылынным”, — диэн хоруйдаата.

Санатан эттэххэ, Владимир Путин бастакытын 2000, онтон 2004, 2012 уонна 2018 сыллардаахха быыбардана сылдьыбыта. 2020 сыллаахха Арассыыйа Төрүт Сокуонугар уларыйыылар киирэннэр, кини эһиилги быыбарга кыттар быраабы ылбыта.