“Аан дойду үрдүнэн буола турар уларыйыылар биир ситимнээх кириисискэ кубулуйдулар, ол бэлиитикэ, байыаннай эрэ өттүгэр буолбакка, экэниэмикэҕэ, гуманитарнай эйгэҕэ барытыгар өтөн киирдэ”, — диэн иһитиннэрэр РФ бэрэсидьиэнэ Владимир Путин “Валдай” норуоттар икки ардыларынааҕы кэпсэтии былаһааккатыгар.
— Хомойуох иһин, билигин балаһыанньа уустук, аан дойдуга буола турар уларыйыылар бэлиитикэҕэ эрэ буолбакка, экэниэмикэҕэ, гуманитарнай эйгэҕэ барытыгар охсон эрэллэр. Ити барыта биир ситимнээхтэр, кириисис аан дойду таһымын ылла. Бу билигин кистэл буолбатах, — диэн этэр кини.
Владимир Путин арҕааҥҥы дойдулар ыытар бэлиитикэлэрин туһунан: “Арҕааҥҥы дойдуларбыт дэнээччилэр бу кэлиҥҥи ыйдарга ордук сытыырхайдылар. Украинаҕа сэриини күөртүүллэрин, Тайваҥҥа араастаан киксэрэн биэрэ сатыылларын ааһан, бүтүн Европатааҕы гаас ситимин тоҕо тэптэрдилэр. Бу, мин санаабар, саамай кэнэн уонна ньэгэй быһыы. Кинилэр сыаллара биир – аан дойдуну баһылаан-көһүлээн олоруу, кинилэргэ табыгастаах быраабылалары барыларыгар соҥнооһун. Ол эрээри ити оонньуулара олус кирдээх, кутталлаах уонна, өссө биирдэ этэбин, ньэгэй”, — диэн этэр кини.
Бэрэсидьиэн кэпсэтии кэмигэр киһи аймахха билигин икки суол баарын ыйда.
— Билигин киһи аймахха бүттүүммүтүгэр икки суол турар: салгыы бу курдук кыһалҕабытын таһаҕас оҥостон, хаһан онтубут сүнньүбүтүн баттыар диэри барытын соһон илдьэ барабыт эбэтэр туох баар кыһалҕабытын дьиҥ-чахчы быһаарар саҥа суолу тобулабыт. Ол суолбут баҕар уһулуччу да буолбатын, саамай сүрүнэ аан дойдуга куттал суох буолуутун хааччыйыахтаах, — диэн бэлиэтиир.
Салгыы кини аныгы үйэҕэ билигин хайдах да гыммыт иһин дойдулар бэйэлэригэр бүгэн олороллоро сатамматын этэр.
— Туох да диэбит иһин билигин дойдулар саһан, бүгэн олорор кэмнэрэ буолбатах. Этэргэ диэри, “тыалы хамсатыаҥ – буурҕаны түһэриэҥ”. Бу кириисис аан дойду үрдүнэн барыбытыгар сыһыаннаах. Билигин эбэтэр хойут бары биир остуол тула олорон кэнэҕэски олохпут туһунан кэпсэтэр кэммит кэлиэҕэ, — диэн иһитиннэрэр бэрэсидьиэн.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…