Владимир Путин Конго бэрэсидьиэнин кытары көрсүөҕэ

Дойдубут аҕа баһылыга Владимир Путин бэс ыйын 27 күнүгэр Конго бэрэсидьиэнин Дени Сассу-Нгессоны кытары Москваҕа көрсүөҕэ.

Конго Өрөспүүбүлүкэтин бэрэсидьиэнэ Арассыыйаҕа оробуочай сырыытынан кэллэ. Арассыыйа бэрэсидьиэнин пресс-сулууспата иһитиннэрэринэн, кэпсэтии бэбиэскэтигэр дойдулар бэйэ-бэйэлэрин кытары үлэлэһиилэрэ, норуоттар икки ардыларынааҕы сыһыаннаһыыны ырытыһыылара турар.

Конго Демократическэй Өрөспүүбүлүкэтэ – бу Киин Африка биир судаарыстыбата. Өрөспүүбүлүкэҕэ сүүстэн тахса мөлүйүөн киһи олороро биллэр. Конго бэрэсидьиэнэ былырыын от ыйыгар Санкт-Петербург куоракка Владимир Путины кытары көрсөн кэпсэппитэ.