Хаартыска: Вместе.РФ
Бэрэсидьиэн Владимир Путин пресс-кэмпириэнсийэтин кэмигэр Краснодарскай кыраай олохтоохторо балаһыанньаны видеонан устан ыытан, ыйытыы биэрдилэр.
Соторутааҕыта Керченскэй хомоҕо танкердар саахалланан, муораҕа уматык тохтубута. Көрдөххө, Анапа таһынан 4-5 көстөөх сиринэн кытыл барыта мазут буолбут, көтөрдөр, балыктар өлөн сыталлар. Волонтердар бэйэлэрин күүстэринэн кыайан хомуйбаттар. Сүүнэ бээтинэ Геленджик диэки баран иһэр.
— Экология өттүнэн бу улахан иэдээн буолар. Быраабы харыстыыр уорганнар суудуналар капитаннарын дьайыыларыгар сыана биэрэллэр, быһаарсаллар. Бэҕэһээ 4-5 бааллаах шторм салҕанан, үлэлиир кыаҕы биэрбэт. Сарсыҥҥыттан чуумпурар бадахтаах. Сорох танкердар тимирбиттэр, сорохтор тимирэн эрэллэр. Араас сулууспалар үлэлииллэр. Бырабыыталыстыбаҕа үлэни сүрүннүүллэригэр, түргэтэтэллэригэр сорудахтаабытым. Күн аайы миэхэ дакылааттыыллар.
Чугастааҕы кэмҥэ тугу гынарбытын быһаарыахтаахпыт. Бу кыһалҕа бириэмэнэн, түһүмэхтэргэ араарыллан, быһаарыллыахтаах. Бастакытынан, мазуту тохтотуохтаахпыт, иккиһинэн, хомуйуохтаахпыт. Тымныы ууга мазут кытаатан баран, түгэххэ түһүөн сөп. Саас сылыйдаҕына, күөрэйэн тахсыан сөп. Ону учуоттаан, үлэни ыытыахтаахпыт. Губернатор Кондратьев этэринэн, 3 тыһыынчаттан тахса киһи үлэлиир. Наада буоллаҕына, ЫБММ эбии бөлөхтөрүн ыытыахпыт. Билигин бу кыһалҕаны туоратарга инники дьайыыларбытын быһаарыахтаахпыт, — диэн бэрэсидьиэн эттэ.
Владимир Путин Арассыыйатааҕы спецназ университетын үлэтин пресс-кэмпириэнсийэтин кэмигэр үрдүктүк сыаналаата. "Арассыыйа оборуонатыгар Арассыыйатааҕы спецназ университета…
Арассыыйа Бэрэсидьиэнэ Владимир Путин быһа эпиир кэмигэр билиҥҥитэ Арктика эрэгийиэннэригэр куораттары биирдиилээн сайыннарыы бырагыраамата үлэлиирин,…
СӨ Аҕа баһылыгын иһинэн үлэлиир инновационнай менеджмент Үрдүкү оскуолатын ректора Василий Миронов дойду Аҕа баһылыгын…
Бэрэсидьиэн Владимир Путин пресс-кэмпириэнсийэ быһа эпииригэр демография боппуруоһун тумнубата. Арассыыйаҕа икки төгүл төрөөһүн улаханнык түһэ…
Константин Роббек, аҕыйах ахсааннаах төрүт олохтоох хотугу норуоттар бырааптарыгар боломуочунай: -- Ил Дархан туһаайан этиитин…
Дойду бэрэсидьиэнэ Владимир Путин быһа эпиирин кэмигэр Сургуттан биэс оҕолоох ийэ, биир оҕото инбэлиитин, былырыын…