"Комсомольская правда" хаһыат сайтыттан
“Империя састаабыгар Украина диэн төрүкү суоҕа. Уобаластар эрэ бааллара. Өскөтүн нуучча култууратын, тылын-өһүн, литературатын бырааттыы дойдубут тэпсибэтэҕэ буоллар, Крымҥа буолбут түгэн тахсыа суоҕа этэ”, — диэн эттэ РФ бэрэсидьиэнэ Владимир Путин уопсастыбаннай палаата чилиэннэрин кытары көрсүһүүтүгэр.
Владимир Путин көрсүһүүгэ Украина уонна Крым туһунан этэригэр тыл-тылга киирсибэт буолуу сүрүн төрүөтэ Украинаны Арассыыйаҕа утары туруоран, НАТО-ҕа чугаһата сатаабыттарыттан тахсыбытын бэлиэтиир.
— Империя састаабыгар Украина диэн төрүкү суоҕа, уобаластар эрэ бааллара. Киев, Киев уобалаһа, Житомир уонна Чернигов диэн. Кэлин Сэбиэскэй Сойуус саҕана Украина тэриллибитэ. Онно үксүн Хара муора кытылын сирдэрэ киирбиттэрэ. Арассыыйа Сэбиэскэй Сойуус ыһыллыбытын кэннэ Украина туспа судаарыстыба буоларын утарбатаҕа, ылыммыта. Ол эрээри онно кэлин нуучча култууратын эһии, НАТО диэки дойдуну тардыы, арҕааҥҥы дойдулар ытыс таһыныыларынан Донбааска дьону өлөрүү саҕаламмытын биһиги таах көрөн олорорбут сатаммат этэ. Биһиги бу боппуруоһу эйэ-дэмнээхтик быһаарса, кэпсэтэ сатаабыппыт. Минскэйдээҕи дуогабар түһэрсибиппит. Ол эрээри кинилэр ону толорор санаалара да суох эбит, хара маҥнайгыттан. Өссө кэлин ити дуогабары толорбоппут диэн аккаастаммыттара. Тыл-тылга киирсибэт буолуубут төрүөтэ итиннэ сытар, — диэн этэр кини.
2014 сыллаахха Крымҥа тахсыбыт историческай түгэн туһунан: “Бырааттыы дойдубутун Украинаны кытары үтүө сыһыаннаахпыт, онно кими да атаҕастаабатахтара, нуучча култууратын эһэ сатаабатахтара буоллар, Крымҥа туох даҕаны буолуо суоҕа этэ. Ол эрээри биһиэхэ атын ханнык да быыбары хаалларбатахтара, Крымҥа дьоммутун көмүскүүр эрэ суолу хаалларбыттара. Салгыы Донбааска, Новороссияҕа эмиэ маннык дьаһаллар ыытыллыбыттара”, — диэн бэлиэтээн эттэ.
Арассыыйа састаабыгар саҥа киирбит эрэгийиэннэр тустарынан этэригэр бэрэсидьиэн: “Биһиги бу эрэгийиэннэр атахтарыгар туралларыгар бары күүспүтүн ууруохпут. Экэниэмикэбит онно эппиэттиир кыахтаах. Санатан этэбин, биһиги социальнай да, бырамыысыланнай да, ханнык да эйгэҕэ ылыммыт былааммытыттан аккаастаммаппыт. Инфраструктурабытын туппуппут курдук тутуохпут”, — диэн иһитиннэрдэ.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…