СИА. Мария Васильева хаартыскаҕа түһэриитэ
Дойду Бэрэсидьиэнэ Владимир Путин кыра нэһилиэктэргэ үлэлиир миэдиктэр хамнастарыгар кулун тутар 1 күнүттэн эбии төлөбүрү олохтуур туһунан быһаарда.
«Былырыын мэдиссиинэ алын сүһүөх үлэһиттэригэр эбии ыйдааҕы төлөбүрдэри киллэрбиппит. Быйыл кулун тутар 1 күнүттэн кыра куораттарга, оройуон киинигэр уонна сэлиэнньэлэргэ үлэлиир исписэлиистэргэ хамнас кээмэйин улаатыннарарга этии киллэрэбин», — диэтэ дойду баһылыга Владимир Путин Кэлэр кэм технологияларын пуорумугар.
Онуоха кини этэринэн, ордук саамай наадалаах хайысхаларга үлэлиир быраастары өйүүргэ, ону тэҥэ оройуоннааҕы уонна учаастактааҕы балыыһалар үлэһиттэригэр ураты болҕомто ууруллуохтаах.
«50 тыһ. киһиттэн 100 тыһ. диэри нэһилиэнньэлэх куораттарга быраастар базовай хамнастарын таһынан эбии 29 тыһ. солк., орто сүһүөх медперсонал 13 тыһ. солк. ылыахтара, оттон 50 тыһ. аҕыйах киһи олорор нэһилиэнньэлээх пууннарыгар маннык исписэлиистэргэ анал төлөбүрдэр биллэрдик үрдүк буолуохтара: быраастар хамнастарыгар эбии 50 тыһ. солк., оттон орто сүһүөх медперсонал – 30 тыһ. солк. ылыахтара», — диэн Владимир Путин бэлиэтээн эппитин ТАСС иһитиннэрэр.
Бу быһаарыыны пуорум кыттыылаахтара дохсун ытыс тыаһынан көрүстүлэр. Судаарыстыба баһылыга бу төлөбүрдэри киллэрии туһунан оптуорунньук киэһэ Бырабыыталыстыбаны кытта дьүүллэспит.
СПИД-ы уонна сыстыганнаах ыарыылары сэрэтиигэ уонна охсуһууга өрөспүүбүлүкэтээҕи кииҥҥэ сыыппаралаах флюорография кэбиниэтэ аһылынна. Бу сыстыганнаах…
Бүгүн, ахсынньы 12 күнүгэр, сарсыарда 50 лет Советской Армии уулуссаҕа баар тыа хаһаайыстыбатын тиэхиньикэтин уонна…
Бүгүн, ахсынньы 12 күнүгэр, Дьокуускай куорат 15-с №-дээх оскуолатыгар миинэ ииппиттэрин туһунан иһитиннэрии киирбит. Бу…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов бүгүн Үөһээ Бүлүү уонна Чурапчы улуустарын баһылыктарын, ону…
Бүгүн, ахсынньы 12 күнүгэр, Дьокуускай аэропордугар Таилантан уонна Филиппиныттан кэлбит боксердары көрүстүлэр. Спортсменнар ахсынньы 14…
Усуйаана улууһун 50 саастаах олохтооҕо билэр киһитин тимир светильнигинэн кырбаан өлөрбүт. Бу туһунан СӨ Борокуратууратын…