Владимир Путин мэдиссиинэ идэтигэр тус сыаллаах үөрэх туһунан сокуоҥҥа илии баттаата

Дойду Бэрэсидьиэнэ Владимир Путин бэҕэһээ, сэтинньи 17 күнүгэр саҥа сокуоҥҥа илии баттаата. Онно олоҕуран, мэдиссиинэ идэтигэр бүддьүөт суотугар үөрэнээччилэр түмүктүүр аттестацияларын ааһыахтарын иннинэ ординатураҕа тус сыаллаах үөрэниигэ сөбүлэҥ түһэрсэллэрэ ирдэнэр.

Сокуон Арассыыйаҕа доруобуйа харыстабылын систиэмэтин каадырынан хааччыйыыны тупсарарга туһаайыллар.

Сокуоҥҥа олоҕуран, сакаасчыттар тус сыаллаах үөрэх туһунан сөбүлэҥ түһэрсэртэн аккаастаммыт, бүддьүөт суотугар ординатура исписээлинэстэргэр эбэтэр тус сыаллаах үөрэххэ ылыы ыйыллыбыт кубуотатынан үөрэххэ киирбит дьон, түмүктүүр аттестацияны ааһыахтарын иннинэ сөбүлэҥ түһэрсэллэрэ ирдэнэр.

Тус сыаллаах миэстэҕэ үөрэнээччи ыйыллыбыт болдьоҕун устата үлэлээбэтэх эбэтэр сөбүлэҥи бэйэтэ көтүрбүт түгэнигэр, үөрэммит ороскуотун толуйар уонна үөрэммит төлөбүрүн икки бүк кээмэйдээх ыстараабы төлүүр эбээһинэстээх. Бу туһунан Парламент хаһыата суруйар.