РФ бэрэсидьиэнин пресс-сулууспата
Арассыыйа Бэрэсидьиэнэ Владимир Путин олунньу 24 күнүгэр сэдэхтик хостонор металлары (редкоземельные металлы) туһаҕа таһаарыы туһунан ыыппыт мунньаҕар Саха сирин туһунан этэн аһарда.
— Бэрт дэҥҥэ хостонор металлары туһаҕа таһаарыы билиҥҥи кэмҥэ суолтата улахан. Хомойуох иһин, билигин биһиги бу эйгэҕэ тоҕута-хайыта түстүбүт диир кыахпыт суох. Ол эрээри манна үлэбитин күүһүрдэр соруктаахпыт. Онон бу мунньаҕы ыыттыбыт, — диэн иһитиннэрэр Владимир Владимирович суруналыыс Павел Зарубиҥҥа биэрбит интервьютугар.
Бэрэсидьиэн Арассыыйа бу металлар саппаастарынан инники күөҥҥэ сылдьарын, ону туһаҕа таһаарыыга инвестордары тардыы улахан суолталааҕын бэлиэтээн туран, Арассыыйа Америка Холбоһуктаах Штаттарын хампаанньаларын кытары үлэлэһиэн сөбүн эттэ.
— Арассыыйа бу металлар саппаастарынан инники күөҥҥэ сылдьар. Дойдубут хоту өттүгэр Мурманскайга, Кавказка – Кабардино-Балкарияҕа, Уһук Илиҥҥэ – Саха сиригэр, салгыы Иркутскайга, Тываҕа элбэх саппаастаахпыт. Бу металлары туһаҕа таһаарыы үгүс үбү-харчыны ирдиир улахан бырайыак буолар. Манна инвестордары тардыахпытын наада. Ол иһигэр Америка инвестордарын кытары үлэни ыытыахпытын сөп. Манна мин аҥаардас дьаһалта, салалта эрэ өттүн эппэппин, улахан хампаанньалары эмиэ киллэрэбин, — диэн бэлиэтээтэ.
Санатан эттэххэ, Сиртэн хостонор баайы туһаҕа таһаарыыга үлэлэһэр федеральнай агентство ааҕыытынан, Арассыыйаҕа бу металлар (скандий, самарий, иттрий, лютеций, диспрозий, гольмий, эрбий, празеодим, о.д.а.) саппаастара 28,7 мөлүйүөн туоннаттан тахса. Бу аан дойду саппааһыттан сүүрбэ бырыһыанын ылар. Олортон биир саамай элбэх баайдаах сиринэн Томтордооҕу бэрт сэдэх хостонор металлар саппаастара баар сирин ыйаллар. Бу сири туһаҕа таһаарыыны түргэтэргэ Владимир Путин сорудах биэрэн турар.
Бэс ыйын 15 күнүгэр Мэҥэ Хаҥалас Хорообут нэһилиэгэр улуустааҕы Олоҥхо ыһыаҕа икки күн устата буолла.…
Сайылыкпар, даачаҕа көһөн, күөх суугун абылаҥнаах нуһараҥар, алыптаах чуумпуга бигэнэн, ыраас салгыҥҥа куустаран дууһалыын, эттиин-хаанныын …
Бу күннэргэ илин эҥэр улуустарын нэһилиэктэригэр Олоҥхоҕо анаммыт ыһыахтар буола тураллар. Чурапчы улууһун Хатылы нэһилиэгиттэн…
Уһун тохтобул кэнниттэн Арассыыйа сүүмэрдэммит хамаандата кикбоксиҥҥа Европа чөмпүйэнээтигэр кыттыаҕа. Саха сирин спортсменнара сэттэ сыллаах…
Ааҕааччы ыйытар: — Эмтэниигэ уонна эми-тому атыылаһыыга нолуоктан төннөрүүнү (вычет) бэйэҕэр, ойоххор (эргэр), төрөппүттэргэ, саастарын ситэ…
Саха сирин кэккэ оройуоннарыгар бэс ыйын 16-17 күннэригэр хаһыҥ түһэрэ күүтүллэр. Бу туһунан Саха сиринээҕи…