РФ бэрэсидьиэнин пресс-сулууспата
Дойду аҕа баһылыга Владимир Путин бу нэдиэлэҕэ Литваҕа буолан ааспыт НАТО мунньаҕын түмүгүн туһунан санаатын эттэ. Кини бэлиэтииринэн, Украина бу байыаннай бөлөххө киирэрэ Арассыыйаҕа кутталы үөскэтэр.
Литваҕа буолбут саммикка Хотугу Атлантика дуогабарын тутуһааччылар сүрүн боппуруоһунан Украина НАТО састаабыгар киириитин көрбүттэрэ.
— Украина НАТО састаабыгар киириитэ биһиги дойдубутугар кутталы үөскэтэрэ биллэр дьыала. Бу туһунан биһиги элбэхтэ кэпсэтэн турабыт. Байыаннай дьайыы да биир биричиинэтэ ити этэ. Уонна, биирдэ баран эттэххэ, бу бөлөххө киирии Украинаҕа куттал суох буолуутун хааччыйбат. Ону ааһан аан дойдуга эбии бутууру эрэ аҕалар, — диэн бэлиэтиир Владимир Путин суруналыыстары кытары көрсүһүүтүгэр.
НАТО чилиэннэрэ мунньахха Украинаны салгыы да сэрии сэбинэн, тиэхиньикэнэн, харчынан өйүүбүт диэн иһитиннэрдилэр.
— Сэрии сэбин тиэрдии туһунан эттэххэ, бу иннинэ арҕааҥҥы дойдулар Украинаҕа төһөлөөх элбэх саады-саадаҕы, тиэхиньикэни ыыппыттара буолуой? Ол барыта ханна барда? Ракеталар, тааҥкалар улахан туһата суохтара көһүннэ. Биһиги байыастарбыт от ыйын 4 күнүттэр 311 тааҥканы үлтүрүттүлэр. Итинтэн үс гыммыт биирэ тас дойдуттан киирбит тиэхиньикэ. Онон, мин санаабар, арҕааҥҥы дойдулар сэрии сэбинэн Украинаны хааччыйаллара кинилэргэ эрэ табыгастаах, манна Украина интэриэһэ көрүллүбэт, — диэн хоруйдуур ыйытыыга Владимир Владимирович.
Бэрэсидьиэн этэринэн Арассыыйа уонна Украина икки ардыгар Стамбулга оҥоһуллубут дуогабар дойдуларга куттал суоһаабатын хааччыйыыга сөптөөх суол этэ. “Арассыыйа уонна Украина икки ардыгар Стамбулга оҥоһуллубут сөбүлэҥ сурук бырайыага мин санаабар саамай сөптөөх суол этэ. Манна дойдуларга куттал суоһаабатын хааччыйыы сиһилии суруллубута. Ол эрээри Украина билиҥҥи “эрэсиимэ” ити кумааҕыны, сымнатан эттэххэ, улахаҥҥа уурбатаҕа”, — диэн бэлиэтиир дойду бэрэсидьиэнэ.
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…