РФ бэрэсидьиэнин пресс-сулууспата.
Билигин Арассыыйа үрдүнэн ойуур баһаарын уонна халаан уутун кыһалҕата турар. Свердлов, Курган, Тюмень уобаластарыгар ойуур баһаардара туран, дьон өлүүтэ таҕыста. РФ бэрэсидьиэнэ Владимир Путин бырабыыталыстыба чилиэннэрин кытары мунньах ыытта.
Гражданскай оборуона, ыксаллаах быһыы-майгы миниистирэ Александр Куренков иһитиннэрбитинэн, билигин ордук Урал федеральнай уокуругар ойуур баһаара күүскэ бара турар. Ол иһигэр Свердлов, Курган, Тюмень уобаластарыгар 25 нэһилиэнньэлээх пуун эмсэҕэлээбит. Хомойуох иһин, Курган, Свердлов уобаластарыгар баһаарга дьон өлүүтэ тахсыбыт.
Курган уобалаһын губернатора Вадим Шумков этэринэн, ойуур баһаарыгар 612 олорор дьиэ эмсэҕэлээбит. Баһаарга 19 киһи эчэйбит, 21 киһи өлбүт. Икки тыһыынчаттан тахса киһи эвакуацияламмыт. Губернатор бэлиэтииринэн, эрэгийиэҥҥэ кэлиҥҥи сэттэ сылга олус кураан уонна куйаас дьыл буолбут. Онон сибээстээн эрэгийиэҥҥэ сүүс киһилээх “Авиалесоохрана” филиалын тэрийэргэ, атын эрэгийиэнтэн тиэхиньикэни, исписэлиистэри көмөҕө аҕаларга, баһаарынай чаастар тиэхиньикэлэрин саҥардарга этэр.
Владимир Путин ойуур баһаарыттан сэрэхтээх буолууга уонна ол содулун туоратыыга туһааннаах ыйыылары оҥорон киллэрэргэ этии киллэрдэ. Чуолаан, нэһилиэнньэлээх пууннартан чугас баар ойууру кэрдиигэ. “Манна мин өйдүүбүн, биир өттүнэн ойуурбутун харыстыы сатыыбыт, иккис өттүнэн биһиги нэһилиэнньэҕэ куттал суох буолуутун хааччыйыахтаахпыт. Онон баар балаһыанньаттан көрөн туһааннаах этиини ылыныахпытын наада”, — диэн иһитиннэрэр кини.
Маны таһынан мунньахха Хотугу муустаах муоранан сырыыны сайыннарыы боппуруоһун көрдүлэр.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…