Хаартыска kremlin.ru сайтыттан
Дойду Бэрэсидьиэнэ Владимир Путин: “Арассыыйа оҥорон таһаарар бырамыысыланнаһын, үрдүкү технологияны сайыннарарыгар үбүлээһин боппуруостарын чопчулуур наада”, — диэн иһитиннэрдэ бэҕэһээ бырабыыталыстыбаны кытары мунньахтыырыгар.
Владимир Владимирович оҥорон таһаарыы бырамыысыланнаһа былырыыҥҥытааҕар көрдөрүүтэ түспүтүн бэлиэтээн туран, кириисискэ ордук оҕустарбыт эйгэлэргэ болҕомтону уурарга эттэ.
— Оҥорон таһаарыы бырамыысыланнаһын көрдөрүүтэ, хомойуох иһин, былырыыҥҥыттан намыһах. Манна бырабыыталыстыба сүрүн болҕомтотун уурара наада. Ордук тиэхиньикэ, массыына оҥоруутун, ойуур бырамыысыланнаһын бастакы уочарат көрүҥ, — диэн этэр кини.
Маны таһынан бэрэсидьиэн мунньахха үрдүкү технологияларынан дьарыктанар хампаанньаларга сүрүн ыстаапканы уурарга эттэ.
— Итини сэргэ саҥа бырайыактар, чуолаан үрдүкү технология бородууксуйата, олоххо түргэнник киирэллэрин ситиһиэххэ. Манна анаан биһиги инвестицияны да киллэрэн турабыт, бырамыысыланнай ипотеканы да киллэрэн олоробут, — диэн бэлиэтиир.
Владимир Путин бырайыактары үбүлээһин пуондалартан, бааннартан барыахтааҕын этэн туран, билиҥҥитэ бу боппуруос өссө да сиһилии ырытылла илигин бэлиэтээтэ.
— Бизнескэ саҥа тыыны киллэрии, биллэн турар, үбүлээһиниттэн тутулуктаах. Билигин, мин көрдөхпүнэ, сорох инструменнар ситэ туһаныллыбакка сылдьаллар. Холобур, саҥа технологияны киллэрэр хампаанньаларга бааннар өттүлэриттэн элбэх ресурса наада. Биһиги бэйэбит үппүт систиэмэтэ экспортка үлэлиир хампаанньаларбытыгар күүс-көмө буолуохтаах, — диэн иһитиннэрэр кини.
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…