Хаартыска: Объясняем. РФ
Бүгүн, кулун тутар 31 күнүгэр, дойду Бэрэсидьиэнэ Владимир Путин аармыйаҕа сааскы ыҥырыы саҕаланарын туһунан Ыйаахха илии баттаата.
Буоларын курдук, сааскы ыҥырыы муус устар 1 күнүттэн от ыйын 15 күнүгэр диэри ыытыллар, 18-30 саастаах эдэр дьону ыҥыраллар.
Бу саас Арассыыйа Сэбилэниилээх Күүстэригэр 150 тыһыынча киһини ыҥырары былаанныыллар.
Санаттахха, быйылгыттан аармыйаҕа ыҥырыллар эр дьон саастарын үрдэтэр туһунан сокуон олоххо киирбитэ. Ол курдук, 2024 сыл тохсунньу 1 күнүттэн аармыйаҕа ыҥырыыга 18-тан 30-гар диэри саастаах эр дьон хабыллыахтара. Урут ыҥырыллар муҥутуур саастара 27 этэ.
Федеральнай сокуон ирдэбилинэн, Уһук Хоту олохтоохторо ыйы хойутаан ыҥырыллаллар. Оттон педагогическай үлэһиттэри сулууспаҕа ыам ыйын 1 күнүттэн от ыйын 15 күнүгэр диэри ыҥырыахтара. Ону сэргэ тыа сирин олохтоохторугар анаан, ыһыы уонна хомуур кэмигэр үлэлээччилэргэ, бэбиэскэни алтынньы 15 күнүттэн ахсынньы 31 күнүгэр диэри ыытыахтара.
Сокуоҥҥа киирбит уларыйыыларынан, аармыйаттан куотунар эдэр дьон сорох бырааба хааччахтаныан, ону тэҥэ холуобунай эппиэккэ тардыллыан сөп. Ону таһынан суут быһаарыытынан 200 тыһ. солк. диэри ыстараап олохтонор, эбэтэр алта ыйга диэри болдьохтоон көҥүлэ быһыллар.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…