Владимир Путин Саха сирин буойуттара бойобуой ускуустубаны баһылаабыттарын бэлиэтээтэ

РФ Бэрэсидьиэнэ Владимир Путин «Дьоруойдар кэмнэрэ» үөрэтэр бырагыраама кыттыылаахтарын кытта көрсүбүт.

Кини Арассыыйа Дьоруойун Игорь Юргины кытта кэпсэтэригэр, Саха сирин буойуттара бойобуой сатабылларын бэлиэтээбит, үрдүктүк сыаналаабыт.

Игорь Юргин РФ Бэрэсидьиэнигэр «Дьоруойдар кэмнэрэ» бырагыраама уонна байыаннай дьайыы байыастарыгар өйөбүл баарыгар махтаммыт.

Бастакы поток выпускнигын быһыытынан, Арассыыйа Дьоруойа  «Дьоруойдар кэмнэригэр» хайдах кыттыбытын уонна СӨ Бырабыыталыстыбатыгар уопутун туһунан кэпсээбит. Кини стажировкатын кэмигэр настаабынньыгынан Ил Дархан Айсен Николаев буолбут. Юргин бырагырааманы бүтэрэн баран, СӨ ыччат дьыалатын уонна социальнай алтыһыытын миниистирин э.т. үлэлээбитэ.

Сиһилии: https://www.sakha.gov.ru/news/6532 манна көрүөххэ сөп.

СӨ Ил Дарханын уонна Бырабыыталыстыбатын пресс-сулууспата