Владимир Путин Саха сирин олохтоохторун судаарыстыбаннай наҕарааданан бэлиэтээтэ

Владимир Путин Саха сирин олохтоохторун судаарыстыбаннай наҕарааданан бэлиэтээтэ. Судаарыстыбаннай наҕараада туһунан РФ бэрэсидьиэнин 844-№-дээх ыйааҕа бу дьыл сэтинньи 17 күнүгэр таҕыста.

Ол курдук, наука эйгэтигэр үрдүк ситиһиилэрин иһин Доҕордоһуу Уордьанынан СӨ наукатын академиятын  бэрэсидьиэнэ Леонид Николаевич Владимиров, «Үтүөлээх учуутал» бочуоттаах ааты СӨ «Өрөспүүбүлүкэтээҕи лиссиэй-интэринээтин» учуутала Илья Гаврильевич Кысылбаиков, физическэй култуура уонна успуорт сайдыытыгар өҥөтүн иһин  «РФ успуордун, физическэй култууратын үтүөлээх үлэһитэ» ааты СӨ сүүмэрдиир хамаандатын бэлэмниир өрөспүүбүлүкэтээҕи киин  тириэньэрэ Николай Николаевич Рожин, Аҕа дойду култууратын,  ускуустубатын сайдыытыгар кылаатын иһин «Култуура, ускуустуба сайдыытыгар өҥөтүн иһин» диэн уордьанынан П.А.Ойуунускай аатынан Саха академическай тыйаатырын дириэктэрин солбуйааччы Анатолий Павлович Николаев наҕараадаланнылар.