Салгыы
Владимир Путин Саха сирин уопутун атын эрэгийиэннэргэ тарҕатары сорудахтаата

Владимир Путин Саха сирин уопутун атын эрэгийиэннэргэ тарҕатары сорудахтаата

Ааптар:
26.11.2022, 10:23
Бөлөххө киир:

Маннык этиини дойду Аҕа баһылыга Владимир  бэҕэһээ, сэтинньи 25  күнүгэр, анал байыаннай дьайыы кыттыылаахтарын ийэлэрин кытары көрсүһүүгэ эттэ.

Саха сирин олохтооҕо  Марина Бахилина Владимир Путины кытары көрсүһүү кэмигэр  Саха Өрөспүүбүлүкэтигэр Ил Дархан Айсен Николаев ыйааҕынан байыаннай сулууспалаахтарга көмө миэрэлэрин туһунан кэпсээтэ.

«Ийэлэр,  кэргэттэр, байыаннай сулууспалаахтар чугас дьоннорун ааттарыттан  Владимир Владимировичка, биһиги Ил Дархаммыт  Айсен Сергеевич Николаевка уонна Маҕан дьаһалтатыгар байыаннай дьайыы кыттыылаахтарыгар уонна чугас дьонноругар суһал көмөҕүт иһин махталбын тириэрдэбин.  Барыта хаачыстыбалаахтык уонна суһаллык оҥоһулунна. Ил Дархан Айсен Николаев ыйааҕынан, байыаннай эпэрээссийэ кыттыылаахтарын дьиэ кэргэттэрэ үгүстэрэ  200 тыһ. солк. көмөнү ылбыттара.   Маны таһынан, иһэр уунан, оттук маһынан хааччыйыыга  көмө  оҥоһуллар», —  диэтэ  Марина Бахилина.

Марина Бахилина этиитин кэнниттэн,  Владимир Путин  байыаннай сулууспалаахтарга уонна кинилэр дьиэ кэргэттэригэр көмөнү  оҥорууга маннык үтүө холобурдары атын эрэгийиэннэр эмиэ оҥоруохтаахтарын туһунан эттэ.

«Айсен Сергеевич –  уопуттаах салайааччы, дьаныардаах киһи буолан, түмүктээх үлэни ситиһэр.  Эрэгийиэннээҕи былаастар байыаннайдар дьиэ кэргэттэригэр көмөлөрүн үтүө холобурдарын тарҕатыахха наада», — диэтэ дойду Аҕа баһылыга.

Санатан эттэххэ, Ил Дархан Айсен Николаев быстах хомуурга ыҥырыллыбыт байыаннайдар дьиэ кэргэннэрин өйүүр туһунан ыйаахха илии баттаабыта. Ыйаахха этиллэринэн:

  • -дьиэ кэргэҥҥэ биирдэ бэриллэр 200 тыһ. солк. сууммалаах материальнай көмө бэриллэр;
  • төрөппүт хомуурга хабыллан сулууспалыыр кэмигэр уһуйааҥҥа сылдьар оҕолоро төлөбүртэн босхолоноллор;
  • -хомуурга хомуллубут төрөппүттээх 5-11 кылаастарга үөрэнэр оҕо оскуолаҕа босхо аһылыгынан хааччыллар;
  • 6 аҥаар сааһыттан 18 сааһыгар оҕо диэри доруобуйатын көннөрүнэр лааҕырга босхо путевканан сынньана барар кыахтанар;
  • хомуурга барбыт байыаннай оҕото үрдүкү уонна орто анал үөрэх кыһатыгар киирэригэр бастакы уочаракка ылыллар
  • ; үрдүкү уонна орто анал үөрэх кыһатыгар киирэригэр төрөппүтэ сулууспалыыр кэмигэр үрдүк стипендия бэриллэр;
  • сулууспалааччы төрөппүттэрэ санаторийга-курортка босхо бараллар.
Бары сонуннар
Салгыы
9 февраля
  • -48°C
  • Ощущается: -48°Влажность: 63% Скорость ветра: 0 м/с

Сообщить об опечатке

Текст, который будет отправлен нашим редакторам: