Хаартыска: СӨ Ил Дархана
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал Кириэмил саайтыгар бэчээттэннэ.
Ил Дархан Айсен Николаев «Сахатранснефтегаз» хампаанньа хамаандатын уонна генеральный дириэктэрин Алексей Колодезниковы бу үрдүк наҕараадатынан эҕэрдэлээтэ. Тыйыс усулуобуйаҕа хампаанньа систиэмэлээх үлэни ыытарын бэлиэтээтэ.
«Сахатранснефтегаз» хамаандатын уонна генеральнай дириэктэр Алексей Засимович Колодезниковы истиҥник эҕэрдэлиибит. Үрдүк идэтийиигит, кытаанах майгыгыт, Саха сирин сайдыытыгар дьоһун кылааккыт иһин махтанабын. Ситими саҥардыыга уонна эрэллээх буолууну үрдэтиигэ саҥа соруктар күүтэллэр, ону кыайыаххыт диэн бигэ эрэллээхпин», — диэн MAX сыһыарыыга бэйэтин ханаалыгар суруйда.
2025 сылга хампаанньа 400 км гаас турбатын тарта, бу Саха сирин устуоруйатыгар саҥа рекорд буолар. Быйыл хампаанньа Арассыыйа бэрэсидьиэнэ Владимир Путин уонна “Биир ньыгыл Арассыыйа” баартыйа норуодунай бырагырааматын хайысхатынан олоххо киирэр социальнай гаастааһын бырагырааматыгар былаанын өссө төгүл куоһарда. «Сахатранснефтегаз» былаан 133 %-нын толорон, 2088 ыалы гааска холбоото.
Быйыл хампаанньа дьон үбэ-харчыта кыттыыта суох, сир учаастагын кыраныыссатыгар диэри 1957 гаас турбатын тарта. Бу сыллааҕы былаан 125%-на. Ону таһынан, 2021 сыл муус устар 21 күнүттэн гаастааһын бырагыраамата саҕаланыаҕыттан, социальнай гаастааһын бырагырааматынан түһэрсиллибит 11 604 дуогабарыттан 11 591 сир учаастагын кыраныыссатыгар диэри гаас турбата тардыллыбыт, онно 10 665 холбооһун оҥоһуллубут.
Саха сирэ социальнай гаастааһыҥҥа Уһук Илиҥҥэ бастакы, дойду үрдүнэн алтыс миэстэлээх.
Хампаанньа 100 нэһилиэнньэлээх пууну айылҕа гааһынан хааччыйар. Сыл аайы 1700 мөлүйүөн кубометр кэриҥэ айылҕа гааһын туһанааччыларга тиэрдэр.
Акционернай хампаанньа 1000-тан тахса оҥорон таһаарыы эбийиэгин үлэлэтэр, ол иһигэр 61 гааһы тарҕатар ыстаансыйа, 40 радиорелейнай ыстаансыйа уонна 446 гаас баттааһынын хонтуруоллуур ыстаансыйа.
Сиһилии: https://www.sakha.gov.ru/news/17307
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…