РФ бэрэсидьиэнэ Владимир Путин хомуурга ыҥырыллыбыт саллааттарга көмөлөһүү боппуруоһун Арассыыйа олохтоохторун кытары быһа кэпсэтиэҕин туһунан Тверь уобалаһыгар ыыппыт мунньаҕар иһитиннэрдэ.
Владимир Путин бэҕэһээ, сэтинньи 7 күнүгэр, Тверь уобалаһыгар үлэлээтэ. Волжскайдааҕы туристическай кластеры көрдө, эрэгийиэн салайааччытын Игорь Руденяны кытары көрсөн кэпсэттэ. Көрсүһүүгэ хомуурга барбыт саллааттарга көмөлөһүүнү, хамнастарын төлөөһүнү бэрэсидьиэн ордук туоһулаһан ыйытта.
— Дьону-сэргэни кытары көрсөн кэпсэтэргит үчүгэй. Тус бэйэм эмиэ Арассыыйа олохтоохторун кытары кэпсэтэн, санааларын истэр былааннаахпын, — диэн иһитиннэрдэ кэпсэтии кэмигэр.
Итини таһынан бэрэсидьиэн, билиҥҥи туругунан, хомуурга ыҥырыллыбыт 80 тыһыынчаттан тахса саллаат анал байыаннай операция буола турар сиригэр баарын, итинтэн 50 тыһыынчата байыаннай дьайыыларга кытта сылдьарын иһитиннэрдэ. Хомуурга ыҥырыллыбыт саллааттарга, ханна сылдьалларыттан тутулуга суох, хас биирдиилэригэр болҕомто ууруллуохтааҕын бэлиэтээтэ.
Санатан эттэххэ, алтынньы 28 күнүнэн хомуурга ыҥырыы Арассыыйа үрдүнэн түмүктэммитэ. РФ оборуонатын миниистирэ Сергей Шойгу иһитиннэрбитинэн, Сэбилэниилээх күүстэргэ былааннаммыт 300 тыһыынча киһи хомуллубут.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…