РФ бэрэсидьиэнэ Владимир Путин бэҕэһээ тутуу эйгэтигэр мунньах ыытта. Мунньахха Арассыыйа састаабыгар саҥа киирбит эрэгийиэннэргэ тутууну ыытыы боппуруоһун көрдүлэр. Бэрэсидьиэн Арассыыйа субъектарыгар дириҥ махталын биллэрдэ.
Арассыыйа састаабыгар киирбит саҥа түөрт эрэгийиэҥҥэ тутуу эйгэтин сайыннарыыга икки бырыһыаннаах ипотека киириэҕэ. Бу туһунан бырабыыталыстыба тустаах уурааҕа тахсыбыта.
— Чэпчэтиилээх ипотека дьон-сэргэ дьиэлэнэригэр-уоттанарыгар көмө буолуоҕа, ону таһынан олорор дьиэлэри тутууну көҕүлүөҕэ. Бу бырагыраама куораттары, бөһүөлэктэри чөлүгэр түһэриигэ күүс-көмө буолуо этэ, — диэн бэлиэтиир Владимир Владимирович.
Санатан эттэххэ, билигин байыаннай дьайыылар тохтообут сирдэригэр түөрт эрэгийиэҥҥэ нэһилиэнньэлээх пууннары чөлүгэр түһэрии бара турар. Бастатан туран, социальнай эбийиэктэри, ол иһигэр балыыһалары, оскуолалары, оҕо саадтарын, суолу-ииһи, коммунальнай тутуулары оҥоруу барар. Владимир Путин манна даҕатан Арассыыйа эрэгийиэннэрэ туора турбакка биир киһи курдук көмөлөһө сылдьалларыгар махталын биллэрдэ.
— Нэһилиэнньэлээх пууннары чөлүгэр түһэриигэ Федерация бары субъектарыгар тус бэйэм дириҥ махталбын тиэрдэбин. Федерация өттүттэн бу түөрт эрэгийиэни чөлүгэр түһэриигэ араас көмө олохтоммута. Ону таһынан эрэгийиэннэр исписэлиистэрин, тутуу биригээдэлэрин, тиэхиньикэлэрин ыытан, наада буоллаҕына үбүнэн-аһынан көмө-тирэх буолаллар, — диэн иһитиннэрэр кини.
Мунньахха маны таһынан Крым Өрөспүүбүлүкэтин, Белгород, Брянскай, Курскай уобаластарын кыраныысса таһыгар турар нэһилиэнньэлээх пууннарын чөлүгэр түһэриини кэпсэттилэр. Манна ытыалаһыы түмүгэр сорох дьон дьиэлэриттэн көрө маппыттара. Онон бу эрэгийиэннэргэ эмиэ көмө көрүллүөҕэ.
Ыам ыйын 1 күнүгэр Ньурбаҕа тэрилтэ салайааччылара уонна үлэһиттэрэ кыттыылаах "Түмсүүнэн - сайдыыга, үлэнэн -…
Бүгүн, ыам ыйын 2 күнүгэр, Өлүөхүмэҕэ, Алдаҥҥа, Нерюнгригэ инчэҕэй хаар, сөкүүндэҕэ 17-22 м. түргэннээх тыал…
Орто Халыма улууһун Хатыҥнаах нэһилиэгин олохтоохторо, төһө да хаар уулла илик буоллар, бүгүҥҥү бырааһынньыктарын "Дорообо,…
Бүгүн Горнай улууһун Бэрдьигэстээҕэр Эйэ, Үлэ, Маай бырааһынньыгын күнүгэр үлэ кэлэктииптэрин икки ардыларыгар үлэ күрэҕэ…
Бүгүн, ыам ыйын 1 күнүгэр, киин куоракка "Дорообо, Күөх Маай!" диэн бырааһынньыктааҕы үөрүүлээх тэрээһиннэр буола…
Ыам ыйын 15 күнүттэн Арассыыйаҕа саҥа сокуон олоххо киириэҕэ. Ол курдук, сураҕа суох сүппүт дьон…