РФ бэрэсидьиэнэ Владимир Путин бэҕэһээ, тохсунньу 11 күнүгэр, бырабыыталыстыбаны кытары бу сылга бастакы мунньаҕын ыытта. Мунньах кэмигэр бэрэсидьиэн бырабыыталыстыба иннигэр бу сылга алта сүрүн хайысханан үлэ барыахтааҕын бэлиэтээтэ.
Владимир Путин бу сылга алта улахан сорук турарын ыйда. Бастатан туран, тас дойдулары кытары үлэлэһии, саҥа суолу-ииһи хайыныы барыахтааҕын эттэ. Иккиһинэн, инфраструктураны сайыннарыыны, ол иһигэр суолу оҥорууну, коммунальнай хаһаайыстыба эбийиэктэрин саҥардыыны бэлиэтээтэ. “Ааспыт сылга тутуу эйгэтигэр үчүгэй көрдөрүүлээхпит, дьиэ тутуута хаһааҥҥытааҕар да элбээтэ. Бу тэтиммитин ыһыктымыахпытын наада”, — диэн иһитиннэрэр кини.
Үсүһүнэн, экэниэмикэ бары эйгэтигэр үрдүкү технологияны киллэрии, олохтоох оҥорон таһаарыыны сайыннарыы, саҥа үлэ миэстэтин тэрийии барыахтааҕын эттэ. Төрдүһүнэн, бүддьүөт, үп-харчы боппуруоһугар сыһыаран, үрдүкү технология хампаанньаларыгар, бырамыысыланнаска, тыа хаһаайыстыбатыгар, о.д.а. эйгэлэргэ инвестиция хаҥыахтааҕын бэлиэтээтэ. Бэсиһинэн, дьон-сэргэ дохуоттаах буолуутугар салгыы да болҕомто ууруллуохтааҕын эттэ. “Экэниэмикэбитин нэһилиэнньэ хамнаһа, дохуота үрдүүрүгэр туһаайыахтаахпыт. Онуоха дьиэ кэргэҥҥэ кэлиҥҥи сылларга киирбит социальнай өйөбүл төһүү буолуохтаах”, — диэн бэлиэтиир.
Уонна түмүккэ, алтыһынан, демография боппуруоһун таарыйда. Манна даҕатан кини доруобуйа харыстабылыгар ордук болҕомто ууруохха наадатын эттэ.
— Бу үлэлэр барыта биир ситимнээхтик барыахтаахтар, хас биирдии эрэгийиэни хабыахтаахтар, ол иһигэр Федерация састаабыгар саҥа киирбит эрэгийиэннэри эмиэ. Саҥа эрэгийиэннэр 2030 сылга диэри сайдыыларын бырагыраамата оҥоһуллан, атын эрэгийиэннэртэн итэҕэһэ суох сайдыылаах буолуохтаахтар, — диэн эттэ мунньах кэмигэр Владимир Путин.
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…