Владимир Путин “Сыл уһуйааччыта” сыллата туттарыллар бириэмийэни олохтуурга этии киллэрдэ

Педагог уонна уһуйааччы сылын түмүктүүр Судаарыстыбаннай Сэбиэт мунньаҕар, дойду бэрэсидьиэнэ Владимир Путин: “Сыл уһуйааччыта” сыллата туттарыллар бириэмийэни олохтуурга этии киллэрэбин. Уһуйааччы идэтин аатын-суолун уонна туругун үрдэтэргэ чопчу хардыылары биһиги бары эрэгийиэннэрбит ылыныахтаахтар, манна баар бары кэллиэгэлэрбэр, РФ эрэгийиэннэрин салайааччыларыгар туһаайабын”, — диэн эттэ.

Итиэннэ “уһуйааччы” диэн аат киэн тутта ааттаныахтааҕын, маныаха анаан биэс сыллааҕыта Арассыыйаҕа “Уһуйуу иһин” ураты бэлиэ олохтоммутун санатта. Уһуйааччылары өйөөн харчынан бириэмийэ эмиэ оҥоһуллуохтааҕын ыйда. “Онон уһуйууга үлэлэрин иһин эбии төлөбүрү сокуонун көрөр ирдэнэр”, — диэн сорудахтаата. Бу туһунан киин сонуну киэҥник тарҕатар ситимнэр сырдаталлар.