РФ бэрэсидьиэнин пресс-сулууспата
Ахсынньы 21 күнүгэр Татарстаҥҥа Казань куоракка Украина дроннара саба түһэн, үс дьиэ эмсэҕэлээбитэ. Арассыыйа бэрэсидьиэнэ Владимир Путин ахсынньы 22 күнүгэр ыыппыт быһа сибээһигэр бу туһунан санаатын эттэ.
— Ким биһиги дойдубутугар саба түһэ, алдьатыыны таһаара сатыыр да, соччонон сөптөөх хоруйу ылыаҕа, — диэн сэрэтэн эттэ Владимир Путин ахсынньы 22 күнүгэр Арассыыйа эрэгийиэннэригэр тырааныспар эбийиэктэрин быһа сибээһинэн арыйыы кэмигэр.
Владимир Путин Татарстан салайааччытыгар Рустам Миннихановка туһаайан Казань куорат эмсэҕэлээбит эбийиэктэрин чөлүгэр түһэрии хайаатар да барыаҕын туһунан эттэ.
— Биһиги, туох да буолбутун үрдүнэн, иннибит хоту баран иһиэхпит, өссө кимиилээхтик. Эмсэҕэлээбит эбийиэктэри чөлүгэр түһэрэрбит таһынан, суолу-ииһи, социальнай эбийиэктэри, олорор дьиэлэри тутуохпут, — диэн уопсай ылан эттэ бэрэсидьиэн эмсэҕэлээбит эрэгийиэннэргэ сыһыаран.
РФ оборуонатын министиэристибэтэ иһитиннэрбитинэн, ахсынньы 21 күнүгэр сарсыарда Украина дроннара Казань куорат эбийиэктэригэр саба түспүттэрэ. Бу түмүгэр үс олорор дьиэ эмсэҕэлээбитэ. Саамай улахан охсууну 37 этээстээх олорор дьиэ ылбыт. Билиҥҥи туругунан, үс эмсэҕэлээбит киһи баар. Татарстаҥҥа ыксаллаах быһыы-майгы биллэриллибитэ, икки күн туох баар улахан тэрээһиннэр тохтотуллубуттара.
Саха Өрөспүүбүлүкэтин Бырабыыталыстыбатыгар саха тылын тиэрминнэрин өрөспүүбүлүкэтээҕи хамыыһыйата мунньахтаан, санаа атастаhан баран, успуорка сыһыаннаах тиэрминнэр…
ИДьМ Дьокуускайдааҕы 3-с №-дээх полиция салаатын дьуһуурунай чааһыгар Бестужев-Марлинскай аатынан уулуссаҕа баар элбэх кыбартыыралаах дьиэ…
Муус устар 12-18 күннэригэр 79 эрэгийиэнтэн 290 үөрэнээччи уонна кинилэри арыаллыыр 128 киһи Дьокуускайга кэлэн,…
Госдуума анал байыаннай дьайыы кыттыылааҕа бааһыран баран, эмтэнэр буоллаҕына, төрөппүттэрэ, кэргэнэ, оҕолоро эбии 35 күҥҥэ…
Ааспыт сууккаҕа Саха сиригэр түөрт буруйу оҥоруу тахсыбыт. Ол курдук, СӨ Борокуратууратын пресс-сулууспатын иһитиннэриитинэн, Дьокуускайга…
УГМС иһитиннэриитинэн, муус устар 4-5 күннэригэр сылаас күннэр туруохтара. Инчэҕэй хаар түһэр, ардыыр, күнүс киин…