РФ бэрэсидьиэнин пресс-сулууспата
Дойдубут аҕа баһылыга Владимир Путин, олунньу 3 күнүгэр, РФ үөрэҕин миниистирин Сергей Кравцову кытары көрсөн, үөрэх систиэмэтигэр киириэхтээх саҥа уларыйыылар тустарынан кэпсэттэ. Ол иһигэр оскуолаларга агро-кылаастары тэрийии, эрэгийиэннэргэ төрөөбүт тылы үөрэтии туһунан.
Владимир Путин көрсүһүү кэмигэр, бастатан туран, үөрэх систиэмэтигэр киириэхтээх уларыйыылар тустарынан ыйыталаста. Миниистир Сергей Кравцов бэрэсидьиэн дьаһалын толоруу хайдах баран иһэрин иһитиннэрэригэр агро-кылаастары тэрийиини, төрөөбүт тылы үөрэтиини бастакы уочаракка тутан эттэ.
— Билигин 74 эрэгийиэҥҥэ 200 агро-кылаас аһыллан үлэлии турар. Ону таһынан эһиги дьаһалгытынан төрөөбүт тылынан тахсар үөрэх кинигэлэрин федеральнай испииһэккэ киллэрии судургутуйда, — диэн бэлиэтиир миниистир.
Санатан эттэххэ, бу боппуруоһу, төрөөбүт тылы үөрэтии кинигэлэрин үөрэх федеральнай стандартыгар киллэриини судургутутуу туһунан, былырыын бэрэсидьиэн Чукоткаҕа олохтоохтору кытары көрсүһүүтүн кэмигэр туруорбуттара. Владимир Путин тута үөрэх миниистирин кытары кэпсэтэн, билигин төрөөбүт тылы үөрэтии кинигэлэрин стандартка киллэрии судургутуйда.
Маны таһынан миниистир дакылаатыгар былырыын 1300-тэн тахса оскуола, 1680 оҕо саада тутуллубутун иһитиннэрдэ. Сергей Сергеевич бэлиэтииринэн, “Дьиэ кэргэн” национальнай бырайыагынан өссө сүүс уһуйаан тутуллуохтаах. Ону таһынан оскуолалары өрөмүөннээһин, саҥардыы бара турар. 2022 сылтан дойду үрдүнэн барыта 4,5 тыһыынчаттан тахса оскуола хапытаалынай өрөмүөнү барбыт. Маннык бырагыраама оҕо саадтарыгар эмиэ киириэхтээх.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…