Хаартыска: НТВ ханаалтан скрин.
Бэрэсидьиэн Владимир Путин пресс-кэмпириэнсийэ быһа эпииригэр демография боппуруоһун тумнубата.
Арассыыйаҕа икки төгүл төрөөһүн улаханнык түһэ сылдьыбыта: Аҕа дойуну көмүскүүр сэрии кэмигэр уонна дойду ыһыллыбыт ааспыт үйэ 90-с сылларыгар. Бу «демографическай дьаама» кэмигэр төрөөбүт оҕолор улааталларын саҕана, төрүүр саастаах дьахтар ахсаана аҕыйаан, төрөөһүн эмиэ түһэр. Билигин төрүүр саастаах дьахтар ахсаана 30%-нан аҕыйаабыт.
— Ол иһин Арассыыйаҕа төрөөһүн таһыма 1,4%-ҥа диэри түстэ. Ол аата төрүүр саастаах биир дьахтарга бачча оҕо тиксэр. Дьиҥэ, бу көрдөрүүнү 2,3%-ҥа тиэрдиэхтээхпит, ол эбэтэр, хас биирдии дьахтар иккиттэн тахса оҕолоох буолуохтаах. Атын дойдуларга эмиэ төрөөһүн көрдөрүүтэ өссө намыһах.
Демография боппуруоһа дойдубутугар биир саамай суолталаах боппуруос буолар. Дойду диэн сир эрэ буолбатах, нэһиилэнньэнэн толоруохха, төрөөһүн көрдөрүүтүн тупсарыахпытын наада. Төрөөһүнү элбэтэргэ кэккэ бырагыраамалар үлэлииллэр. Ийэ хапытаала диэн көмө миэрэтэ аан дойуга ханна да суох. Ийэ хапытаала сыллата индексацияланан, эбиллэн иһэр.
Онон элбэх оҕолоох ийэ диэн судаарыстыбаннай суолталаах, кинини бары өттүнэн өйүөхтээхпит. Ханнык баҕарар тэрилтэҕэ дьиэ кэргэн боппуруоһугар улахан суолта бэриллиэхтээх, — диэн бэрэсидьиэн эттэ.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорор…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…