Хаартыска: sakha.gov.ru
Бүгүн, Норуот сомоҕолоһуутун күнүгэр, Арассыыйа Бэрэсидьиэнэ Владимир Путин дойдубут култуурунай нэһилиэстибэтин харыстыырга уонна элбэх омук арааһын өйүүргэ туһуламмыт икки бэлиэ күнү олохтуур ыйаахтары баттаата: Арассыыйа Федерациятын төрүт аҕыйах ахсааннаах норуоттарын күнүн уонна Арассыыйа Федерациятын норуоттарын тылларын күнүн.
Бастакы ыйааҕынан Арассыыйа Федерациятын төрүт аҕыйах ахсааннаах норуоттарын күнэ олохтонно. Бу күн дойдубут төрүт аҕыйах ахсааннаах норуоттарын ураты үгэстэрин, сиэрдэрин-туомнарын, дьарыктарын, ураты култуураларын уонна олохторун укулаатын харыстааһын суолтатын тоһоҕолуур соруктаах. Бэлиэ күн муус устар 30 күнүгэр бэлиэтэниэҕэ.
Иккис ыйааҕынан дойдубутугар олорор норуоттар тылларын харыстыыр уонна өйүүр сыалтан балаҕан ыйын 8 күнүгэр Арассыыйа Федерациятын норуоттарын тылларын күнэ киллэрилиннэ. Бу бырааһынньык Арассыыйа норуотун элбэх омуктаах буолуутун араарыллыбат сорҕотунан ааҕыллар тыл араастаһыытын суолталааҕын бэлиэтиир.
Ыйаахтар баттаммыт күннэриттэн күүстэригэр киирдилэр.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорор…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…