Хаартыска: А.Сорокин (СИА)
Дойду бэрэсидьиэнэ Владимир Путин кулун тутар 27 күнүгэр Мурманскайга оробуочай сырыытын түмүгүнэн биэрбит сорудахтарыгар эбии тэрээһиннэри киллэрдилэр. Чуолаан РФ Арктика зонатын тирэх нэһилиэнньэлээх пууннарын уһун кэмнээх социальнай-экэнэмиичэскэй сайдыыларыгар, ол иһигэр Тиксии-Найба агломерацияҕа, киллэриллэр эбии тэрээһиннэр баар буоллулар.
Кириэмил саайтыгар бэчээттэммит докумуоҥҥа былааннары олоххо киллэрии күнүн-дьылын ыйан туран, чопчу эбийиэктэр быһаарыллыбыттар. “Тиксии-Найба» агломерацияҕа 2024-2028 сылларга сууккаҕа 2 000 куб. м. оҥорон таһаарар кыахтаах ыраастыыр канализационнай тэриллэри тутуу былааннанар.
Ону сэргэ былааҥҥа Тиксии олохтоохторун аһыыр уунан хааччыйарга Тиксии уунан хааччыйар систиэмэтин модернизациялааһын баар.
2027-209 сыллларга Тиксиигэ саҥа поликлиникалар уонна сытар балыыһа тутуллуохтара, 2027-208 сылларга Булуҥ улууһун киинигэр олохтоох өрөмүөнү ыытыы уонна оҕо поликлиникатын мэдиссиинэ саҥа тэриллэринэн хааччыйыы торумнанар.
2027-28 сылларга Найба сэлиэнньэтигэр быраас амбулаториятын модульнай дьиэтэ баар буолуоҕа, ону саҥа тэриллэринэн уонна миэбэлинэн толоруохтара.
2032-2034 сылларга Найбаҕа Успуорт уонна култуура элбэх хайысхалаах саҥа киинин тутуохтара.
Ону таһынан, Тиксиигэ 2026-28 сылларга саахал-быыһыыр инфраструктура эбийиэктэрин бырайыагын оҥорорго уонна туттара федеральнай бүддьүөттэн үп бэриллиэҕэ.
РФ бэрэсидьиэнин сүбэһитэ, “Арктика – территория диалога” норуоттар икки ардыларынааҕы Арктика пуорумун бэлэмнииргэ уонна ыытарга тэрийэр кэмитиэт эппиэттиир сэкирэтээрэ Антон Кобяков иһитиннэрбитинэн, В.Путин сорудахтара Арктика сирин-уотун бары өттүнэн сайыннарыыга туһуланаллар.
«Сорудахтары олоххо киллэрии Уһук Хотугу сиргэ олох хаачыстыбатын үрдэтиигэ дьоһун суолталаах хардыынан буолуоҕа, инвестициялары улаатыннарарга уонна логистиканы сайыннарарга тирэх буолуоҕа”, — диэтэ Антон Кобяков.
Бэрэсидьиэн оробуочай сырыытын түмүгүнэн биэрбит сорудахтарын толору испииһэгин http://www.kremlin.ru/acts/assignments/orders/76942 сигэнэн билсиэххэ сөп.
СӨ Ил Дарханын уонна бырабыыталыстыбатын пресс-сулууспата
Саха сирин баһылыга Айсен Николаев өрөспүүбүлүкэ Бырабыыталыстыбатын уонна дьаһалтатын кытта планернай мунньах ыытан, кэккэ соруктары…
Аан дойдуну атыйахтаах уу курдук аймаабыт II Аан дойду сэриитин Кыайыытын 80 сыла. Хас биирдии…
Бүгүн Ытык Таатта сиригэр XXII Манчаары оонньуулара саҕаланаллар. Таатталар бары бу тэрээһин үрдүк таһымҥа ааһарын…
Ааспыт өрөбүл күннэргэ Дьокуускайга 19 суол быһылаана тахсан, 7 киһи араас эчэйиини ылла. Бэс ыйын…
Соторутааҕыта социальнай ситимнэринэн Алдан оройуонун олохтооҕо Рябиновай үрэх киртийбитин видеоҕа устан тарҕаппыта, ол түмүгүнэн бэрэбиэркэ…
Байыаннай дьайыы бэтэрээнэ, Аҕа дойдуну көмүскээччилэр куубактарын Бүтүн Арассыыйатааҕы финалын призера, Саха сирин олохтооҕо Алексей…