Владимир Путин Саха сирин демографиятын тоҕо хайҕаабытын туһунан эспиэр санаата

Саха сирэ Уһук Илиҥҥи федеральнай уокурукка олохтоохторун ахсаана элбии турар соҕотох эрэгийиэнинэн буолар. Саха сирин демографиятын РФ бэрэсидьиэнэ Владимир Путин хайҕаабыта.

Биэс сыл иһигэр эрэгийиэн нэһилиэнньэтэ 40 тыһыынчаҕа тиийэ киһинэн элбээбит. Онон Уһук Илин уокурукка бастакы миэстэҕэ турар. Судаарыстыбаннай консалтинг департаменын салайааччы Григорий Добромелов этэринэн, төрүт үгэстэри уонна ыччаты өйүүр бэлиитикэ үтүөтүнэн эрэгийиэн үчүгэй көрдөрүүлээх. Эспиэр бэлиэтииринэн, Саха сирин баһылыга Айсен Николаев федеральнай трендэри уонна тус көрүүтүн социальнай бэлиитикэни дьүөрэлиир талааныгар сытар.

«Арассыыйа сүрүн болҕомтону дьиэ кэргэҥҥэ уурар. Бу туһунан РФ бэрэсидьиэнэ Владимир Путин этэр. Сиэр-майгы, духуобунай сыаннастары үйэтитиигэ уонна бөҕөргөтүүгэ судаарыстыбаннай бэлиитикэ олуга мээнэҕэ ылыллыбатахтара. Саха сирэ маны ыччат уонна социальнай бэлиитикэ хайысхатыгар сайыннарар уонна үксэтэр. Ол түмүгэр, ыччат инникитин саныыр, демографиескай көрдөрүү үрдүүр. Николаев хамаандата өрөспүүбүлүкэ инникитин сөпкө ойуулаата», — диэн политолог бэлиэтиир.

Демографическай түмүктэр тустарынан этэр буоллахха, Ленскэй кулуупка санаа атастаһаачы этэринэн, Уһук Илин уокурукка Саха сирэ ураты көстүү.  Хамаанданы сөптөөх салайыы туоһута  — бүгүҥҥү көрдөрүү түмүгэ. Мин креативнай индустрия туһунан этэбин. Аныгы, интэриэһинэй хайысхаларга саҥа үлэ миэстэлэрин тэрийии буолар, — диир Григорий Добромелов.

Политолог этэринэн, Саха сирэ атын өссө күүстээх эрэгийиэннэри кытта федеральнай киин өйөбүлүгэр наадыйар.

«Күүстээх субъектарга көмөлөһүөххэ наада. Оччоҕуна кинилэр Арассыыйа экэниэмикэтэ сайдарыгар уонна сааҥсыйа дабылыанньатыгар бэриммэккэ сайдыахтара».