Владимир Путин Турция бэрэсидьиэнин эҕэрдэлээтэ

РФ бэрэсидьиэнэ Владимир Путин Турция Өрөспүүбүлүкэтин бэрэсидьиэнин Реджеп Тайип Эрдоганы быыбарга кыайыытынан эҕэрдэлээтэ. Кини бэлиэтииринэн, Турция норуота тас күүстэртэн тутулуга суох бэйэтин быыбарын аан дойдуга иһитиннэрдэ.

Владимир Путин Турция быыбарын түмүгэ норуот бэйэтин бэрэсидьиэнин өйүүрүн, суверенитетын үрдүктүк тутарын көрдөрөрүн бэлиэтээн эттэ.

— Бу быыбар Реджеп Тайип Эрдоган бэйэтин үлэтин түмүгэ буоларын уонна норуота кинини өйүүрүн, ханнык да тас күүстэртэн тутулуга суох дойду быһыытынан суверенитетын үрдүктүк тутарын көрдөрдө, — диэн иһитиннэрэр кини.

Владимир Владимирович Реджеп Тайип Эрдоган Арассыыйа уонна Турция сыһыаннаһыыларыгар улахан кылааты киллэрсибитин бэлиэтээн эттэ.

— Арассыыйа уонна Турция сыһыаннаһыыларыгар, бииргэ үлэлэһиилэригэр Реджеп Тайип Эрдоган дойду салайааччытын быһыытынан киллэрбит кылаата улахан. Биһиги ону сыаналыыбыт. Салгыы да эрэгийиэннээҕи, аан дойдутааҕы боппуруостарга үлэлэһэргэ бэлэммин иһитиннэрэбин. Бииргэ үлэлэһэр бырайыактарбытыгар, чуолаан “Аккую” атомнай электростанцияны үлэлэтиигэ, гаас ситимин тардыыга, улахан болҕомтобун уурабын, — диэн этэр кини.