РФ бэрэсидьиэнин пресс-сулууспата
Дойдубут аҕа баһылыга Владимир Путин ыам ыйын 11 күнүгэр Турция Өрөспүүбүлүкэтин тас дьыалаларга миниистирин Хакан Фиданы кытары көрүстэ. Көрсүһүүгэ Турция БРИКС түмсүүтүгэр киириитин туһунан кэпсэттилэр.
Хакан Фидан БРИКС (Бразилия, Арассыыйа, Индия, Кытай уонна Соҕуруу Африка түмсүүлэрин) тас дьыалаларга миниистирдэрин көрсүһүүлэригэр кытта сылдьар. Бу күннэргэ Аллараа Новгородка БРИКС түмсүүтүн миниистирдэрин саммита буола турар. Санатан эттэххэ, бу сылга БРИКС түмсүүтүгэр Арассыыйа бэрэссэдээтэллиир, онон быйылгы саммит алтынньыга Татарстаҥҥа ыытыллыахтаах.
Владимир Путин уонна Хакан Фидан Турция БРИКС түмсүүтүгэр киириитин туһунан кэпсэттилэр. Билигин бу түмсүүгэ уон дойду баар. Түмсүүнү тэрийбит биэс бастакы дойдуну таһынан манна Египет, Иран, Холбоһуктаах Араб Эмираттара, Эфиопия уонна Саудовскай Аравия бааллар.
— Биллэн турар, биһиги Турция бу түмсүүгэ киирэрин биһириибит уонна өйүүбүт. Буолаары буолан, билигин, дойдуларбытыгар куттал суох буолуутун хааччыйыыга да, экэниэмикэ да өттүгэр бииргэ үлэлэһиибит ордук суолталаммыт кэмигэр, — диэн иһитиннэрэр бэрэсидьиэн Владимир Путин.
Бу күннэргэ Үөһээ Бүлүү улууһугар «Көмүскэл» доруобуйаларыгар хааччахтаах оҕолоох төрөппүттэр түмсүүлэрэ оҕолоругар анаан кэнсиэр оҥордулар.…
Биир кэлим эксээмэҥҥэ быйыл бастакынан 100 баалы ылбыт оҕолор ааттара билиннэ. Кинилэр кимнээҕий? Химия биридимиэтигэр…
Өрүскэ айан саҕаламмытынан сибээстээн, кыра кээмэйдээх суудуналары өрүстэргэ, күөллэргэ ыытыы кэмигэр инникитин дьон-сэргэ тус олоҕор…
Госөҥөлөргө наадалаах ИТ- үөрүйэхтэргэ босхо тестированиены барар уонна РФ Цифровой сайдыыга министиэристибэтин официальнай сэртипикээтин ылар…
Таастаах диэн сиргэ "Амикан" этнография комплексын көрүү кэнниттэн, Нерюнгри оройуонун дьаһалтатын Олоҥхо ыһыаҕар эппиэттээх исписэлиистэрэ,…
Нерюнгри оройуонун биэнсийэлээҕэ түөкүттэр “домофон уларытыыта” исхиэмэлэригэр киирэн биэрэн. Туох баар дьиэ кэргэнин уурумньутун барытын…