Арассыыйа Турцияны кытары энергетика боппуруоһугар салгыы да үлэлэһэр былааннаах. Бу туһунан РФ бэрэсидьиэнэ Владимир Путин Турцияҕа “Аккую” атомнай электростанцияҕа бастакы ядернай оттук кэлиитин бэлиэтиир тэрээһиҥҥэ быһа эпиир нөҥүө иһитиннэрдэ.
Владимир Путин Арассыыйа Турцияны кытары салгыы да экэниэмикэни сайыннарыыга, энергетикаҕа, атыыга-тутууга бииргэ үлэлэһиэҕин туһунан иһитиннэрдэ.
— 2022 сыл түмүгүнэн биһиги дойдуларбыт табаары эргиниилэрэ 62 млрд дуоллартан таҕыста. Бу курдук биһиги экэниэмикэ араас боппуруостарыгар, инвестицияҕа үлэлэһэр былааннаахпыт. Арассыыйа Турцияны салгыы да энергетиканан хааччыйыаҕа. Биллэн турар, “Аккую” станция олоххо толору киирдэҕинэ, гааһы Турцияҕа атыылыырбыт кыччыыра буолуо. Тоҕо диэтэргин, атомнай энергетикатааҕар гаас сыаната ыарахан уонна сылтан сыл үрдүү турар. Билигин Турция бэйэтэ атомнай энергетикаланна, онон бырамыысыланнаһыгар бу хайысханы туһаныаҕа, — диэн этэр кини.
Гаас бырамыысыланнаһыгар сыһыаран Владимир Путин Турция нөҥүө Арассыыйа гааһын тас дойдуларга атыыга таһаарыы барыаҕын туһунан иһитиннэрдэ. “Манна эмиэ Турция бэйэтэ интэриэстээх, гааска наадыйар тас дойдуларга ырыынак сыанатынан атыылыыр кыахтанар”, — диэн этэр кини.
Санатан эттэххэ, былырыын алтынньыга Владимир Путин уонна Турция бэрэсидьиэнэ Реджеп Тайип Эрдоган Казахстаннааҕы саммит кэмигэр Турция нөҥүө Арассыыйа гааһын тас дойдуларга атыылааһын, Турцияҕа гаас бырамыысыланнаһын сайыннарыы туһунан кэпсэппиттэрэ.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…