РФ бэрэсидьиэнин пресс-сулууспата
Дойдубут аҕа баһылыга Владимир Путин тохсунньу 30 күнүгэр РФ тырааныспарын миниистирин Роман Старовойту кытары көрүстэ. Миниистир мунньахха бэлиэтээбитинэн, тырааныспар эйгэтигэр бүддьүөттэн биэс сылга 9 триллионтан тахса солкуобай көрүллүбүт.
Миниистир Роман Старовойт көтөр ааллар тустарынан этэригэр, Дьокуускайга саҥа көтөр балаһа олоххо киирбитин бэлиэтээн эттэ.
— Дьокуускайга 3600 миэтэрэлээх саҥа көтөр балаһа оҥоһулунна. Томскайга, Ставропольга, Улан-Удэҕэ, Магадаҥҥа саҥа терминаллар олоххо киирдилэр, — диэн иһитиннэрдэ.
Тимир суолу тутууга сыһыаран, Арассыыйа саҥа эрэгийиэннэригэр үлэ барбытын бэлиэтээтэ. Быйыл Мариуполь куоракка, тимир суол вокзала сөргүтүллүбүт. БАМ иккис хайысхатынан Куанда-Куандинскай тимир суола оҥоһуллубут.
Оттон муора суолун туһунан этэригэр Приморьеҕа, Мурманскайга, Калининградка саҥа терминаллар, уу тырааныспардара кытыыга тиксэр сирдэрэ (причаллар) оҥоһуллубуттарын иһитиннэрдэ.
Айан суолугар Грузия, Азербайджан, Кытай кыраныыссаларыгар хонтуруоллуур, көрөр пууннар саҥардыллыбыттарын, кэҥэтиллибиттэрин эттэ.
Миниистир түмүккэ тырааныспарга, суолга-иискэ сыһыаннаах саҥа национальнай бырайыакка 2030 сылга диэри барыта 9 триллионтан тахса солкуобай көрүллүбүтүн иһитиннэрдэ.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…