Хаартыска: ВЭФ саайтыттан
Арассыыйа Бэрэсидьиэнэ Владимир Путин Илиҥҥи экэнэмиичэскэй пуорум пленарнай мунньаҕар Уһук Илин аан дойдуга Арассыыйа туругун бөҕөргөтүүгэ сүдү суолталааҕын бэлиэтээтэ.
Кини уокурук сайдыытын түмүктэрин уонна РФ Бэрсидьиэнин Уһук Илин уокурукка боломуочуйалаах бэрэстэбиитэлэ Юрий Трутнев үлэҕэ кыһамньытын үрдүктүк сыаналаата.
Бэрэсидьиэн этиитигэр Уһук Илин урбааны көҕүлээһиннэригэр, баараҕай бырайыактары олоххо киллэриигэ уонна саҥа салаалары үөскэтиигэ улахан былаһаакка буоларын бэлиэтээтэ.
Уһук Илин Арассыыйа аан дойдутааҕы түһүлгэтигэр кыаҕын күүһүрдүбүтүнэн эрэ буолбакка, саҥа глобальнай экэнэмиичэскэй усулуобуйатыгар инники күөҥҥэ сылдьар лидер буоларын ситистэ. Вдадимир Путин этэринэн, Арассыыйа инники кэскилэ Уһук Илин уокурук сайдыытын тэтимиттэн улахан тутулуктаах. Юрий Трутнев салайыытынан, Уһук Илин уокурук эрэгийиэннэри сайыннарыыга туһуламмыт бырайыактары уонна бырагыраамалары ситиһиилээхтик олоххо киллэрии холобурунан буолла. Эрэгийиэн кэнники сылларга социальнай-экэнэмиичэскэй сайдыытыгар туруга үтүө түмүктэрдээх.
Владимир Путин этэринэн, Уһук Илин инвестициятын үүнүүтүн тэтимэ Арассыыйа орто көрдөрүүтүттэн үрдүк. 2013 сылтан 3,5 тыһыынчаттан тахса бырамыысыланнай, үөрэх, инфраструктурнай, технологическай саҥа бырайыактар үлэҕэ киирдилэр, 140 тыһыынчаттан тахса үлэ миэстэтэ таһаарылынна. Бырамыысыланнаска оҥорон таһаарыы 2013 сылтан Бүтүн Арассыыйатааҕы тэтимин 25% куоһарда.
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…
“... Наһаа улахан киһи кэлэн ааста... Омуна суох, ууну-уоту ортотунан ааспыт салайааччыбыт киһиэхэ үчүгэйи эрэ…
Дьоллоох олохпутун салҕаан, өссө ордук үчүгэйдик олоруохпут… Алексей Ильич Сосин 1905 сыллаахха Мэҥэ Хаҥалас оройуонугар Моорук…